Giriş
AQTA koronavirusun profilaktikası çərçivəsində monitorinqləri davam etdirir
15 Mart 2021 15:16
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 14 mart 2021-ci il tarixində ölkə üzrə 308 ictimai iaşə obyektində 519 monitorinq keçirilib. Monitorinqlər zamanı 21 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır:
1. Bakı şəhəri, Nərimanov rayonu, Həsənoglu küçəsində yerləşən, fiziki şəxs Murat Oğuza məxsus restoran;
2. Bakı şəhəri, Səbail rayonu, Salyan şossesi 107 ünvanında yerləşən, fiziki şəxs Şiriyev Rəhim Ağarəhim oğluna məxsus “Balıq evi” kafe;
3. Bakı şəhəri, Nəsimi rayonu, Fizuli 79 ünvanında yerləşən, fiziki şəxs Mədinəyev Elnur Ziyəddin oğluna məxsus “Başkent “ kafe;
4. Bakı şəhəri, Nizami rayonu, Oqtay Vəliyev ünvanında yerləşən, fiziki şəxs “Nicat-K” firmasına məxsus “Azəri pivə bar”;
5. Bakı şəhəri, Xəzər rayonu, Nadir Axundov küçəsində yerləşən, fiziki şəxs Səfərov Ədalət Abdulla oğluna məxsus “Xəzər” kafe
6. Bakı şəhəri, Sabunçu rayonu, Bakıxanov ŞTQ Sülh küç, (Bakıxanov qəs) ev 4C ünvanında yerləşən, fiziki şəxs Xəlilov Elnur Tengiz oğluna məxsus kafe;
7. Bakı şəhəri, Xətai rayonu, Sarayevo 20 ünvanında yerləşən, fiziki şəxs Məlikov Sərxan Xəqani oğluna məxsus “ Pub Sarayevo”;
8. Bakı şəhəri, Xətai rayonu, Sarayevo 32 ünvanında yerləşən, fiziki şəxs Zülfüqarov Mürsəl Nəriman oğluna məxsus Bakı kafesi;
9. Bakı şəhəri, Nərimanov rayonu, F.Xoyski 75b ünvanında yerləşən, hüquqi şəxs “Azemat “ Məhdud Məsuliyyətli Cəmiyyətinə məxsus “Dominos”;
10. Bakı şəhəri, Nərimanov rayonu, K.Rəhimov 3a ünvanında yerləşən, fiziki şəxs Osman Umarov Nadir oğluna məxsus “Novbahar” restoran;
11. Bakı şəhəri, Nərimanov rayonu, Atatürk pros. ev 6a ünvanında yerləşən, fiziki şəxs Xancanlı Asif Vidadi oğluna məxsus kafe;
12. Bakı şəhəri, Xətai rayonu, F.Bayramov ev 1130\33 ünvanında yerləşən, fiziki şəxs Ramil Musayev Rafiq oğluna məxsus “Green Garden” restoran;
13. Bakı şəhəri ,Yasamal rayonu, Mətbuat pros. ilə Nazim Hikmət küç. kəsişməsində yerləşən, fiziki şəxs Hüseynov Rəşad Zilfi oğluna məxsus kafe;
14. Bakı şəhəri, Yasamal rayonu, Mətbuat prospekti ev 35 E ünvanında yerləşən, fiziki şəxs Salmanzadə Ramil Kamil oğluna məxsus “Medalyon Pub 2";
15. Bakı şəhəri, Yasamal rayonu, Mətbuat prospekti ev 3138-3141-ci məh .3.gir. ünvanında yerləşən, fiziki şəxs Qədirli İbrahim Samir oğluna məxsus kafe;
16. Bakı şəhəri, Binəqədi rayonu, S.Axundov/1 ünvanında yerləşən, fiziki şəxs Cəfərov Mübariz Fazil oğluna məxsus çay evi;
17. Bakı şəhəri, Binəqədi rayonu, Kunanbayev 66 c ünvanında yerləşən, fiziki şəxs Cəbrayılov Elvin Hikmət oğluna məxsus kafe;
18. Bakı şəhəri, Sabunçu rayonu, Bakixanov ŞTQ Sulh ev 33 C ünvanında yerləşən, fiziki şəxs Mədətzadə Nahid Atababa oğluna məxsus “Dönər home”;
19. Bakı şəhəri, Sabunçu rayonu, Bakıxanov ŞTQ, X,Xasməmmədov ev 3B mər. 1 ünvanında yerləşən, fiziki şəxs Xudaverdiyev Zakir Məmməd oğluna məxsus çayxana;
20. Bakı şəhəri, Nərimanov rayonu, Ə.Rəcəbli 2/12 ünvanında yerləşən, hüquqi şəxs "Ş.Ş. Servis" Məhdud Məsuliyyətli Cəmiyyətinə məxsus Royal mehmanxanasının tərkibində yerləşən restoran;
21. Salyan rayonu, Ələt -Astara magistralında yerləşən, fiziki şəxs Ələkbərzadə Ramil Seymur oğluna məxsus kafe;
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
İdxal olunan baytarlıq preparatında uyğunsuzluq aşkarlanıb
Azərbaycan Respublikasının Qida Təhlükəsizliyi Agentliyi tərəfindən həyata keçirilən nəzarət tədbirləri zamanı "Spektra-Vet" MMC-nin respublikamıza idxal etdiyi baytarlıq preparatlarının sınaq nəticələrində uyğunsuzluq aşkarlanıb. Belə ki, Çin Xalq Respublikasından idxal edilən “Farmazin Tylo” əmtəə nişanlı baytarlıq preparatı məhsul partiyasından götürülmüş nümunələrdə pH göstəricisinin normativ texniki tələblərə cavab vermədiyi müəyyən edilib. Uyğunsuzluqla əlaqədar qanunvericiliyə müvafiq qərar qəbul edilərək, 5010 ədəd 50 ml-lik, 3006 ədəd 100 ml-lik məhsul məhv edilib.
Fermer üçün yeni mərhələ: heyvanın identikləşdirilməsindən məhsulun izlənilməsinədək
Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı çərçivəsində heyvanların identikləşdirilməsi sisteminin təkmilləşdirilməsi və əhatə dairəsinin genişləndirilməsi nəzərdə tutulur. Dövlət Proqramının tədbirlər planının 8.5.3-cü bəndinə əsasən həyata keçiriləcək tədbirlər ilk növbədə heyvan sahiblərinin təsərrüfatlarında heyvanların uçotunun və hərəkətinin daha dəqiq izlənilməsinə imkan yaradacaq. Bu isə fermer üçün təsərrüfatındakı heyvanlarla bağlı məlumatların daha sistemli şəkildə aparılması deməkdir. Heyvanın identikləşdirilməsi onun hansı təsərrüfata məxsus olduğunu, hərəkətini və baytarlıq məlumatlarını izləməyə imkan verəcək. Nəticədə xəstəliklərin aşkarlandığı hallarda risk altında olan heyvanların və təsərrüfatların daha sürətli müəyyənləşdirilməsi, müvafiq baytarlıq tədbirlərinin vaxtında həyata keçirilməsi mümkün olacaq. Sistem fermer üçün heyvanların sağlamlıq vəziyyətinə nəzarətin gücləndirilməsinə də şərait yaradacaq. Xəstəliklərin yayılmasının qarşısının daha effektiv alınması təsərrüfatların qorunmasına, heyvan itkilərinin və bununla bağlı iqtisadi zərərlərin azaldılmasına xidmət edəcək. Heyvanların identikləşdirilməsi eyni zamanda heyvan mənşəli məhsulların izlənəbilənliyinin təmin olunmasında mühüm rol oynayacaq. Beləliklə, məhsulun hansı təsərrüfatdan əldə edildiyi barədə məlumatların müəyyənləşdirilməsi qida təhlükəsizliyi zəncirində nəzarətin gücləndirilməsinə imkan verəcək. Dövlət Proqramının icrası çərçivəsində heyvan sahiblərinin identikləşdirmə prosesi barədə məlumatlandırılması və bu istiqamətdə maarifləndirmə tədbirlərinin davam etdirilməsi də nəzərdə tutulur. Beləliklə, identikləşdirmə sistemi fermer üçün yalnız heyvanların qeydiyyata alınması deyil, həm də təsərrüfata nəzarətin gücləndirilməsi, heyvan sağlamlığının qorunması, risklərin vaxtında müəyyənləşdirilməsi və istehsal olunan məhsulların izlənəbilənliyinin təmin edilməsi baxımından əhəmiyyət daşıyır. Bu yanaşma fermer üçün heyvanın qeydiyyatından başlayaraq onun sağlamlıq vəziyyətinin izlənilməsinə, daha sonra isə heyvan mənşəli məhsulların hərəkətinin izlənilməsi imkanlarının genişləndirilməsinə şərait yaradacaq.
Heyvan bazarlarında yeni mərhələ: müasir infrastruktur və gücləndirilmiş baytarlıq nəzarəti
Ölkə üzrə heyvan bazarlarında ötən ildən başlanan yenidənqurma işlərinin əsas hissəsi artıq yekunlaşıb. Yenilənmiş bazarlarda müasir baytarlıq-sanitariya tələblərinin tətbiqi, heyvanların identifikasiyası və hərəkətinin izlənilməsi üçün zəruri infrastruktur yaradılıb. 1 il ərzində ümumilikdə ölkə üzrə 22 heyvan bazarı Azərbaycan Respublikası Qida Təhlükəsizliyi Agentliyinin (AQTA) Kollegiyasının Qərarı ilə təsdiq edilmiş “Heyvan bazarlarına dair baytarlıq-sanitariya norma və qaydaları”na uyğun yenidən qurularaq istifadəyə verilib. Yenidənqurma işləri zamanı əvvəlki bazarlarda mövcud olan baytarlıq-sanitariya və sanitar-gigiyenik tələblərə əməl olunması ilə bağlı çatışmazlıqların aradan qaldırılmasına xüsusi diqqət yetirilib. Bu istiqamətdə sahibkarlıq subyektləri ilə AQTA-nın birgə fəaliyyəti nəticəsində böyük bir layihə qısa zaman kəsiyində icra edilib. Müasir heyvan bazarlarında heyvanların baytar nəzarətində qəbulu, identifikasiyası və hərəkətinin izlənilməsi həyata keçirilir. Bu tədbirlər heyvan xəstəliklərinin vaxtında aşkarlanmasına, onların yayılma riskinin azaldılmasına və ümumi epizootoloji təhlükəsizliyin təmin edilməsinə imkan yaradır. Beləliklə, yenilənmiş və yeni inşa edilən heyvan bazarları yalnız alqı-satqı məkanı deyil, həmçinin heyvan sağlamlığının qorunması, baytarlıq nəzarətinin və sanitariya tələblərinin təmin edildiyi müasir infrastruktur kimi fəaliyyət göstərir. Daha ətraflı:
