Giriş
AQTA koronavirusun profilaktikası çərçivəsində monitorinqləri davam etdirir
20 Mart 2021 12:45
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 19 mart 2021-ci il tarixində ölkə üzrə 354 ictimai iaşə obyektində 606 monitorinq keçirilib. Monitorinqlər zamanı 23 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır.
1. Sumqayıt şəhəri, 2-ci mikrorayon ünvanında yerləşən, fiziki şəxs Bayramov Orxan Səmyəddin oğluna məxsus "LasVegas" kafesi;
2. Abşeron rayonu, Masazır kəndi, “Qurtuluş 93” ünvanında yerləşən, fiziki şəxs Məmmədov Əli Həsən oğluna məxsus "Qəlyanaltı" kafesi;
3. Bakı şəhəri, Səbail rayonu, Üzeyir Hacıbəyov küçəsi 26 ünvanında yerləşən, fiziki şəxs Səlimzadə Nərminə Həsənağa oğluna məxsus “Marani” kafesi;
4. Bakı şəhəri, Səbail rayonu, Üzeyir Hacıbəyov küçəsi 26 ünvanında yerləşən, fiziki şəxs Ələkbərova Teyquşa Qəzənfər qızına məxsus “Central Pub” kafesi;
5. Bakı şəhəri, Qaradağ rayonu, Lökbatan qəsəbəsi, keçid 1005 ünvanında yerləşən, fiziki şəxs Rəhmanov Vidadi Səftər oğluna məxsus” Kainat” kafesi;
6. Bakı şəhəri, Xətai rayonu, F. Bayramov küçəsi 4 ünvanında yerləşən, fiziki şəxs Cəfərli Alim Teyub oğluna məxsus kafe;
7. Bakı şəhəri, Nərimanov rayonu, Aşıq Molla Cümə ev 28 qapı 2 ünvanında yerləşən, fiziki şəxs Quliyev Tahir Maxsud oğluna məxsus kafe;
8. Bakı şəhəri, Nizami rayonu, Əlif Hacıyev küçəsi 46 ünvanında yerləşən, fiziki şəxs Məmmədzadə Oruca məxsus “Barley pub” çay evi;
9. Bakı şəhəri, Nizami rayonu, Əlif Hacıyev küçəsi 21 ünvanında yerləşən, fiziki şəxs Kərimov Elnur Rza oğluna məxsus dönər evi;
10. Bakı şəhəri, Yasamal rayonu, Ələsgər Ələkbərov küçəsi ev 8 m.15 ünvanında yerləşən, fiziki şəxs Ağayeva Cəmilə Yaqub qızına məxsus "Kabab House” restoranı;
11. Bakı şəhəri, Yasamal rayonu, Akademik Lətif İmanov küçəsi ev 5 ünvanında yerləşən, hüquqi şəxs “Metropol-KN" Məhdud Məsuliyyətli Cəmiyyətinə məxsus "Metropol" restoranı;
12. Bakı şəhəri, Nəsimi rayonu, R. Behbidov küçəsi 25 ünvanında yerləşən, fiziki şəxs Allahverdiyeva Gülya Tahir qızına məxsus "Ramses" restoranı;
13. Bakı şəhəri, Səbail rayonu, Azadlıq prospekti ev 3, m 2 ünvanında yerləşən, hüquqi şəxs “Abrakadabra” MMC-yə məxsus “Abrakadabra” restoranı;
14. Bakı şəhəri, Yasamal rayonu, M. H. Naxçıvani küçəsi ev 15 ünvanında yerləşən, fiziki şəxs Abbasov Rəşad Ramiz oğluna məxsus “Chef pub” kafesi;
15. Tovuz rayonu, Qovlar şəhəri, Vağzal kücəsində yerləşən, fiziki şəxs Məmmədov Məhəmməd İsgəndər oğluna məxsus kafe;
16. Ağcabədi rayonu, H. Əliyev prospektində yerləşən, fiziki şəxs Əlizadə Xəyal Şahin oğluna məxsus "Vegas" çay evi;
17. Ağcabədi rayonu, H. Əliyev prospektində yerləşən, fiziki şəxs Əkbərov Yadigar Qədir oğluna məxsus "Xalça saray" kafesi;
18. Ağcabədi rayonu, Ü. Hacıbəyov küçəsində yerləşən, fiziki şəxs Aslanov Nahid Ədalət oğluna məxsus kafe;
19. Ağcabədi rayonu, K. Nəsibov küçəsində yerləşən, fiziki şəxs Quliyev Sahəddin Nazir oğluna məxsus kafe;
20. Ağcabədi rayonu, Hüsü Hacıyev küçəsində yerləşən, fiziki şəxs Gürşadlı Gürşad Behbud oğluna məxsus kafe;
21. Ağcabədi şəhəri, Səməd Vurğun küçəsində yerləşən, fiziki şəxs Verdiyev Cahid Vahid oğluna məxsus "Röyal" kafesi;
22. Göyçay rayonu, Nizami küçəsində yerləşən, fiziki şəxs Mustafayev Ruslan Elburuz oğluna məxsus kafe;
23. Bakı şəhəri, Sabunçu rayonu, Pirşaği ev 1243A saylı bağ sahəsində yerləşən, Nəbiyev Vaqifə məxsus “Miracle” mehmanxanasının tərkibində fəaliyyət göstərən restoran;
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Lökbatan qəsəbəsində reyd zamanı istehlaka yararsız ət aşkarlanıb
Qida Təhlükəsizliyi Agentliyinin Daxili İşlər Nazirliyinin əməkdaşları ilə birgə keçirdiyi reyd zamanı Bakı şəhəri, Qaradağ rayonu, Lökbatan qəsəbəsində fiziki şəxs İsmayılov Gülabba Ələkbər oğluna məxsus 77-AL-754 dövlət qeydiyyat nişanlı avtomobilin yük hissəsində daşınma zamanı baytarlıq-sanitariya və sanitariya-gigiyena tələbləri pozulan 100 kq mənşəyi məlum olmayan ət aşkarlanıb. Baxış zamanı ətlərin baytarlıq ekspertizasından keçmədiyi, baytarlıq müşayətedici sənədi olmadığı və orqanoleptik göstəricilərinə görə normativ sənədin tələblərinə cavab vermədiyi məlum olub. Ətlərdən götürülən nümunələrin laborator müayinəsi nəticəsində At DNT-si müəyyən edilib. Faktla bağlı fiziki şəxs barəsində inzibati tədbir görülüb və ətin dövriyyədən çıxarılması təmin edilib. Araşdırmalar davam etdirilir.
Kərə yağları ilə bağlı nəzarət tədbirləri davam etdirilir
Qida Təhlükəsizliyi Agentliyinin əməkdaşları tərəfindən həyata keçirilən nəzarət tədbirləri çərçivəsində fiziki şəxs Cəfərov Əli Telman oğlunun istehsal etdiyi kərə yağlarından götürülmüş nümunələrin müayinəsi nəticəsində məhsul partiyalarında bitki sterinləri (Kampesterin, Stiqmasterin, Beta-sitosterin), eyni zamanda normativ sənədlə bu növ məhsulun tərkibində istifadəsinə icazə verilməyən qida əlavələri (Sorbin və Benzoy turşuları) aşkarlanıb. Faktla bağlı Agentlik tərəfindən sözügedən məhsul partiyalarının dövriyyədən çıxarılması və ticarət şəbəkələrindən geri çağırılması barədə məhdudlaşdırıcı qərar qəbul edilərək qanunvericiliyə uyğun zəruri tədbirlər görülüb. Qeyd edək ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi bəyan edildiyi halda, faktiki tərkibində bitki yağının aşkarlanması istehsalçı tərəfindən istehlakçıların aldadılması və hüquqlarının pozulması hesab olunur. Həmçinin tərkibində Sorbin (E200) və Benzoy (E210) turşuları olan məhsulların həddindən artıq istehlakı insanlarda allergik reaksiyaların yaranmasına səbəb ola bilər ki, qüvvədə olan normativ sənədə uyğun olaraq bəzi məhsullarda həmin qida əlavələrinin istifadəsi qadağandır. Uyğunsuzluq aşkarlanan məhsul partiyaları aşağıdakılardır: № Məhsulun adı Məhsulun istehsal və son istifadə tarixləri Aşkarlanan uyğunsuzluq 1. "Westfood" əmtəə nişanlı 82.5% yağlılıqda qaymaqdan təbii kərə yağı 07.02.2025-07.02.2026 Kampesterin, Stiqmasterin, Beta-sitosterin, Sorbin (E200) turşusu, Benzoy (E210) turşusu 2. "Beloruskiy Kray" əmtəə nişanlı 82.5% yağlılıqda təbii kərə yağı 05.03.2025-05.03.2026 Kampesterin, Beta-sitosterin
Salyanda fəaliyyət göstərən restoranda nöqsanlar aşkarlanıb
Salyan rayonu, Y.Qasımov küçəsi 3B ünvanında fəaliyyət göstərən, fiziki şəxs Ağayev Rüstəm Cavanşir oğluna məxsus “Era” restoranında Qida Təhlükəsizliyi Agentliyinin əməkdaşları tərəfindən yoxlama keçirilib. Baxış zamanı ictimai iaşə müəssisəsinin mətbəx sahəsində sanitar-texniki və sanitar-gigiyenik vəziyyətin qənaətbəxş olmadığı, texnoloji ardıcıllıq prinsipinin pozulduğu, məhsulların saxlanması zamanı temperatur rejiminə əməl olunmadığı, havalandırma sisteminin quraşdırılmadığı, işçi heyətin müvafiq geyimlə təmin edilmədiyi və digər nöqsanlar aşkarlanıb. Faktla bağlı fiziki şəxs barəsində inzibati protokol tərtib olunub və nöqsanlar aradan qaldırılanadək müəssisənin mətbəx sahəsində işlərin görülməsi və xidmətlərin göstərilməsi barədə müvəqqədi məhdudiyyət tətbiq olunub.
