Giriş
AQTA koronavirusun profilaktikası çərçivəsində monitorinqləri davam etdirir
30 Mart 2021 15:49
Azərbaycan Respublikasının Qida Təhlükəsizliyi Agentliyi (AQTA) tərəfindən qanunvericiliyin tələblərinə, həmçinin Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə ictimai iaşə obyektlərində reydlər davam etdirilir.
Nəzarət tədbirləri çərçivəsində 29 mart 2021-ci il tarixində ölkə üzrə 441 ictimai iaşə obyektində 746 monitorinq keçirilib. Monitorinqlər zamanı 24 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar olunmuş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Uyğunsuzluqlar aşkar edilən ictimai iaşə müəssisələri aşağıdakılardır.
1. Bakı şəhəri, Sabunçu rayonu, Şuşa qəsəbəsində yerləşən, fiziki şəxs Şirəliyev Elşən Qasım oğluna məxsus “Qədim Qəbələ” restoranı;
2. Bakı şəhəri, Sabunçu rayonu, Ramana ŞTQ, Südçülük sovxozu ərazisində salınmış yeni yaşayış massivində yerləşən, fiziki şəxs Süleymanov Zamin Eldar oğluna məxsus kafe;
3. Bakı şəhəri, Sabunçu rayonu, Şuşa qəsəbəsində yerləşən, fiziki şəxs Rəhimov Yunis Adəm oğluna məxsus kafe;
4. Bakı şəhəri, Sabunçu rayonu, Şuşa qəsəbəsində yerləşən, fiziki şəxs Nəmətov Nemət Ağakişi oğluna məxsus kafe;
5. Bakı şəhəri, Binəqədi rayonu, Biləcəri qəsəbəsi, Ordubadi küçəsində yerləşən, fiziki şəxs Ağayev Bəşir Əfqan oğluna məxsus restoran;
6. Bakı şəhəri, Suraxanı rayonu, Yeni Günəşli qəsəbəsində yerləşən, fiziki şəxs Məmmədov Məmməd Hüsən oğluna məxsus kafe;
7. Bakı şəhəri, Sabunçu rayonu, Maştağa ŞTQ, Maştağa Qəsəbəsi, “Daş karxanası” adlanan ərazidə yerləşən, fiziki şəxs Əsədov Röyal Məhərrəm oğluna məxsus “Şah” dönər evi;
8. Bakı şəhəri, Xəzər rayonu, Mərdakan ŞTQ, Yesenin küçəsində yerləşən, fiziki şəxs Aslanov Denis Tahir oğluna məxsus kafe;
9. Bakı şəhəri, Xəzər rayonu, Maştağa-Buzovna yolunun kənarında yerləşən, fiziki şəxs Bağırov Şirin Nizami oğluna məxsus kafe;
10. Bakı şəhəri, Səbail rayonu, İstiqlaliyyət küçəsi, ev 2, m. 1 ünvanında yerləşən, hüquqi şəxs "Bakı Abadlıq Xidməti" Məhdud Məsuliyyətli Cəmiyyətinə məxsus “Flarmoniya” kafesi;
11. Bakı şəhəri, Nəsimi rayonu, Salatın Əsgərova küçəsi, ev 88, m. 1 ünvanında yerləşən, fiziki şəxs Məmmədli Orxan Rasim oğluna məxsus restoran;
12. Bakı şəhəri, Nizami rayonu, Mikayıl Əliyev küçəsində yerləşən, fiziki şəxs Məmmədov Vilayət Yaqub oğluna məxsus restoran;
13. Bakı şəhəri, Nizami rayonu, Mikayıl Əliyev küçəsi 17c ünvanında yerləşən, fiziki şəxs Əlizadə Ülvi İlham oğluna məxsus kafe;
14. Bakı şəhəri, Nərimanov rayonu, Ə. Əliyev küçəsi 69 ünvanında yerləşən, fiziki şəxs İsmayılova İlahə İsmayıl qızına məxsus kafe;
15. Bakı şəhəri, Xətai rayonu, Nobel prospekti 67, Belinski küçəsi, Heydar Əliyev adına neft emalı zavodu yaxınlığında yerləşən, fiziki şəxs Qədirli Nihad Fəxrəddin oğluna məxsus kafe;
16. Bakı şəhəri, Nərimanov rayonu, Neymətulla küçəsi, ev 26m ünvanında yerləşən, fiziki şəxs Əmirov Eldəniz Əfqan oğluna məxsus kafe;
17. Bakı şəhəri, Ələsgər Ələkbərov küçəsi, 507-ci məhəllə, ev 2, mənzil 29 ünvanında yerləşən, fiziki şəxs Babayev Rasim Bayram oğluna məxsus "Nargilə" çay evi;
18. Bakı şəhəri, Ələsgər Ələkbərov küçəsi, 507-ci məhəllə, ev 4, mənzil 29 ünvanında yerləşən, fiziki şəxs İbayeva Zülfiyyə Əbülfəz qızına məxsus "Göygöl" kafesi;
19. Sumqayıt şəhəri, 2-ci məhəllə, ev 102/64, m. 78 ünvanında yerləşən, fiziki şəxs Əliyev Ramil Rafiq oğluna məxsus "Cafe de Flore" kafesi;
20. Abşeron rayonu, Xırdalan şəhəri, 28-ci məhəllə, doğum evinin yanında yerləşən, fiziki şəxs Abdullayev Yaşar Əliağa oğluna məxsus “Göyəzən" kafesi;
21. Bakı şəhəri, Badamdar qəsəbəsi, 2-ci massivdə yerləşən, fiziki şəxs Heydər Fuad Oruc oğluna məxsus mehmanxananın tərkibində fəaliyyət göstərən restoran;
22. İsmayıllı rayonu, Ələkbərzadə küçəsində yerləşən, fiziki şəxs Məmmədov Hakim Əmrah oğluna məxsus “Məxməri” çay evi;
23. Şirvan şəhəri, Fariz Eynullayev küçəsində yerləşən, fiziki şəxs Sadıxlı Natiq Nurəli oğluna məxsus dönər evi;
24. Tovuz rayonu, Əyyublu kəndində yerləşən, fiziki şəxs Qurbanov Azər İsgəndər oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda respublika üzrə AQTA müfəttişləri tərəfindən monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
İdxal olunan baytarlıq preparatında uyğunsuzluq aşkarlanıb
Azərbaycan Respublikasının Qida Təhlükəsizliyi Agentliyi tərəfindən həyata keçirilən nəzarət tədbirləri zamanı "Spektra-Vet" MMC-nin respublikamıza idxal etdiyi baytarlıq preparatlarının sınaq nəticələrində uyğunsuzluq aşkarlanıb. Belə ki, Çin Xalq Respublikasından idxal edilən “Farmazin Tylo” əmtəə nişanlı baytarlıq preparatı məhsul partiyasından götürülmüş nümunələrdə pH göstəricisinin normativ texniki tələblərə cavab vermədiyi müəyyən edilib. Uyğunsuzluqla əlaqədar qanunvericiliyə müvafiq qərar qəbul edilərək, 5010 ədəd 50 ml-lik, 3006 ədəd 100 ml-lik məhsul məhv edilib.
Fermer üçün yeni mərhələ: heyvanın identikləşdirilməsindən məhsulun izlənilməsinədək
Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı çərçivəsində heyvanların identikləşdirilməsi sisteminin təkmilləşdirilməsi və əhatə dairəsinin genişləndirilməsi nəzərdə tutulur. Dövlət Proqramının tədbirlər planının 8.5.3-cü bəndinə əsasən həyata keçiriləcək tədbirlər ilk növbədə heyvan sahiblərinin təsərrüfatlarında heyvanların uçotunun və hərəkətinin daha dəqiq izlənilməsinə imkan yaradacaq. Bu isə fermer üçün təsərrüfatındakı heyvanlarla bağlı məlumatların daha sistemli şəkildə aparılması deməkdir. Heyvanın identikləşdirilməsi onun hansı təsərrüfata məxsus olduğunu, hərəkətini və baytarlıq məlumatlarını izləməyə imkan verəcək. Nəticədə xəstəliklərin aşkarlandığı hallarda risk altında olan heyvanların və təsərrüfatların daha sürətli müəyyənləşdirilməsi, müvafiq baytarlıq tədbirlərinin vaxtında həyata keçirilməsi mümkün olacaq. Sistem fermer üçün heyvanların sağlamlıq vəziyyətinə nəzarətin gücləndirilməsinə də şərait yaradacaq. Xəstəliklərin yayılmasının qarşısının daha effektiv alınması təsərrüfatların qorunmasına, heyvan itkilərinin və bununla bağlı iqtisadi zərərlərin azaldılmasına xidmət edəcək. Heyvanların identikləşdirilməsi eyni zamanda heyvan mənşəli məhsulların izlənəbilənliyinin təmin olunmasında mühüm rol oynayacaq. Beləliklə, məhsulun hansı təsərrüfatdan əldə edildiyi barədə məlumatların müəyyənləşdirilməsi qida təhlükəsizliyi zəncirində nəzarətin gücləndirilməsinə imkan verəcək. Dövlət Proqramının icrası çərçivəsində heyvan sahiblərinin identikləşdirmə prosesi barədə məlumatlandırılması və bu istiqamətdə maarifləndirmə tədbirlərinin davam etdirilməsi də nəzərdə tutulur. Beləliklə, identikləşdirmə sistemi fermer üçün yalnız heyvanların qeydiyyata alınması deyil, həm də təsərrüfata nəzarətin gücləndirilməsi, heyvan sağlamlığının qorunması, risklərin vaxtında müəyyənləşdirilməsi və istehsal olunan məhsulların izlənəbilənliyinin təmin edilməsi baxımından əhəmiyyət daşıyır. Bu yanaşma fermer üçün heyvanın qeydiyyatından başlayaraq onun sağlamlıq vəziyyətinin izlənilməsinə, daha sonra isə heyvan mənşəli məhsulların hərəkətinin izlənilməsi imkanlarının genişləndirilməsinə şərait yaradacaq.
Heyvan bazarlarında yeni mərhələ: müasir infrastruktur və gücləndirilmiş baytarlıq nəzarəti
Ölkə üzrə heyvan bazarlarında ötən ildən başlanan yenidənqurma işlərinin əsas hissəsi artıq yekunlaşıb. Yenilənmiş bazarlarda müasir baytarlıq-sanitariya tələblərinin tətbiqi, heyvanların identifikasiyası və hərəkətinin izlənilməsi üçün zəruri infrastruktur yaradılıb. 1 il ərzində ümumilikdə ölkə üzrə 22 heyvan bazarı Azərbaycan Respublikası Qida Təhlükəsizliyi Agentliyinin (AQTA) Kollegiyasının Qərarı ilə təsdiq edilmiş “Heyvan bazarlarına dair baytarlıq-sanitariya norma və qaydaları”na uyğun yenidən qurularaq istifadəyə verilib. Yenidənqurma işləri zamanı əvvəlki bazarlarda mövcud olan baytarlıq-sanitariya və sanitar-gigiyenik tələblərə əməl olunması ilə bağlı çatışmazlıqların aradan qaldırılmasına xüsusi diqqət yetirilib. Bu istiqamətdə sahibkarlıq subyektləri ilə AQTA-nın birgə fəaliyyəti nəticəsində böyük bir layihə qısa zaman kəsiyində icra edilib. Müasir heyvan bazarlarında heyvanların baytar nəzarətində qəbulu, identifikasiyası və hərəkətinin izlənilməsi həyata keçirilir. Bu tədbirlər heyvan xəstəliklərinin vaxtında aşkarlanmasına, onların yayılma riskinin azaldılmasına və ümumi epizootoloji təhlükəsizliyin təmin edilməsinə imkan yaradır. Beləliklə, yenilənmiş və yeni inşa edilən heyvan bazarları yalnız alqı-satqı məkanı deyil, həmçinin heyvan sağlamlığının qorunması, baytarlıq nəzarətinin və sanitariya tələblərinin təmin edildiyi müasir infrastruktur kimi fəaliyyət göstərir. Daha ətraflı:
