Giriş
AQTA koronavirusun profilaktikası çərçivəsində monitorinqləri davam etdirir
22 İyun 2021 17:31
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il iyunun 21-də ölkə üzrə 434 ictimai iaşə obyektində 765 monitorinq keçirilib. Monitorinqlər zamanı 13 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Xətai rayonu, Gəncə pr., Vunqtau küç., ev 268 ünvanında yerləşən, fiziki şəxs Əliyev Şaiq Həsənağa oğluna məxsus kafe;
2. Bakı şəhəri, Suraxanı rayonu, Əmircan qəs., Tofiq Bayram küçəsində yerləşən, fiziki şəxs Əliyev Emil Akif oğluna məxsus çay evi;
3. Bakı şəhəri, Suraxanı rayonu, Malik Mustafayev küçəsi 25 ünvanında yerləşən, fiziki şəxs Baqouddion Pirismayıl Şahismayıl oğluna məxsus “Dostluq” kafesi;
4. Bakı şəhəri, Suraxanı rayonu, Malik Mustafayev küçəsi 18 ünvanında yerləşən, fiziki şəxs Heydərov Vaqif Nəbi oğluna məxsus kafe;
5. Bakı şəhəri, Xətai rayonu, Neapol küçəsi 6b ünvanında yerləşən, fiziki şəxs Əhmədov Yunis Saiq oğluna məxsus “Badam lounge” restoranı;
6. Bakı şəhəri, Səbail rayonu, Neftçilər pr., Dəniz Mall, ev 108 ünvanında yerləşən, hüquqi şəxs “Emsa Food” MMC-yə məxsus “Dinehall“ kafesi;
7. Bakı şəhəri, Nizami rayonu, R. Rüstəmov küçəsi 27 ünvanında yerləşən, fiziki şəxs Kantayeva Pirdas İbrahim qızına məxsus “Antep Lahmacun” kafesi;
8. Bakı şəhəri, Xəzər rayonu, Mərdəkan qəs., H. Z. Tağıyev küç., ev 86 ünvanında yerləşən, fiziki şəxs Nəbiyev Asif Mürşüd oğluna məxsus “Qədim Qəbələ” restoranı;
9. Bakı şəhəri, Səbail rayonu, Namiq Quliyev küç., ev 62A ünvanında yerləşən, hüquqi şəxs “City Service Company” MMC-yə məxsus “Nar Şərab” restoranı;
10. Bakı şəhəri, Nəsimi rayonu, Allahyar Nəsibov küç., ev 5, məh. 1013 ünvanında yerləşən, hüquqi şəxs “Svit” MMC-yə məxsus kafe;
11. Bakı şəhəri, Nərimanov rayonu, Ağa Nemətulla küç., ev 44/2, m. 1 ünvanında yerləşən, fiziki şəxs Həsənov Ruslan Yasim oğluna məxsus “Mozarella” restoranı;
12. Abşeron rayonu, Masazır kəndində yerləşən, fiziki şəxs Ələkbərova Mərziyə Qurban qızına məxsus “Azərbaycan mətbəxi” kafesi;
13. Kürdəmir rayonunda yerləşən, fiziki şəxs Sultanov Natiq Sultan oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
“Şəki” kafesində nöqsanlar aşkarlanıb
Qida Təhlükəsizliyi Agentliyinin əməkdaşları Şəki şəhəri, S.Rəhman küçəsində yerləşən, fərdi sahibkar Abdulkərimov Fərahim Yavər oğluna məxsus “Şəki” kafesində yoxlama keçirib. Baxış zamanı qida təhlükəsizliyi sahəsində texniki normativ hüquqi aktların tələblərinin pozulduğu müəyyən edilib. Sahibkar barəsində inzibati protokol tərtib olunub və icrası məcburi göstərişlər verilib, nöqsanlar aradan qaldırılanadək ictimai iaşə obyektinin fəaliyyəti məhdudlaşdırılıb.
“Sahib” şadlıq evində nöqsanlar aşkarlanıb
Neftçala şəhəri, Xol Qarabucaq kəndində fəaliyyət göstərən, fiziki şəxs Tağıyev Sakit Həmid oğluna məxsus “Sahib” şadlıq evində Qida Təhlükəsizliyi Agentliyinin əməkdaşları tərəfindən keçirilən yoxlama zamanı bir sıra nöqsanlar aşkarlanıb. Belə ki, şadlıq evində sanitar-texniki və sanitar-gigiyenik tələblərin pozulduğu müəyyən olunub. Nöqsanlarla əlaqədar şadlıq evinin qida blokunda işlərin görülməsinin, xidmətlərin göstərilməsinin dayandırılması barədə qərar qəbul olunub, sahibi barəsində inzibati protokol tərtib edilib və icrası məcburi göstərişlər verilib.
“Nənəmin Təndiri” çörək emalı müəssisəsində yoxlama keçirilib
Şəmkir şəhəri, 20 Yanvar küçəsində fəaliyyət göstərən “Nənəmin Təndiri” çörək emalı müəssisəsində yoxlama keçirilib. İstehsal müəssisəsində sanitariya norma və qaydalarına riayət edilmir, texniki normativ hüquqi aktların tələbləri pozulub. Baxış zamanı müşayətedici sənədləri olmayan toyuq əti və yararlılıq müddəti qeyd edilməyən toyuq farşı aşkarlanıb. Müəssisənin fəaliyyəti məhdudlaşdırılıb, sahibkarı barəsində inzibati protokol tərtib olunub.
