Giriş
AQTA koronavirusun profilaktikası çərçivəsində monitorinqləri davam etdirir
24 İyun 2021 18:15
Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.
Nəzarət tədbirləri çərçivəsində 2021-ci il iyunun 23-də ölkə üzrə 442 ictimai iaşə obyektində 773 monitorinq keçirilib. Monitorinqlər zamanı 10 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Səbail rayonu, Salyan şossesi 32 ünvanında yerləşən, fiziki şəxs Ceyhun Hüseynov Tariyel oğluna məxsus “Eldarado” restoranı;
2. Bakı şəhəri, Nizami rayonu, Əliyev 16 ünvanında yerləşən, hüquqi şəxs "Resant group" Məhdud Məsuliyyətli Cəmiyyətinə məxsus "Xaçapuri garden" restoranı;
3. Bakı şəhəri, Yasamal rayonu, B.Bağırova 2 ünvanında yerləşən, fiziki şəxs Hüseynov Rafiq Təvəkkül oğluna məxsus “İmperia bilard” kafesi;
4. Bakı şəhəri, Yasamal rayonu, Mirəli Seyidov 29 ünvanında yerləşən, fiziki şəxs Kara İlhana məxsus kafe;
5. Bakı şəhəri, Yasamal rayonu, G.İ.Həmidov 41 ünvanında yerləşən, fiziki şəxs Ağayev Nazim Fazil oğluna məxsus "Naringi" restoranı;
6. Bakı şəhəri, Nərimanov rayonu, Nəsibbəy Yusifbəyli 33 ünvanında yerləşən, fiziki şəxs Əlili İsrafil Muğan oğluna məxsus restoran;
7. Bakı şəhəri, Nəsimi rayonu, Azadlıq pr. Füzuli küç. kəsişməsi, məhəllə 720 ünvanında yerləşən, fiziki şəxs İbadov Alim Nazim oğluna məxsus "Pak dad" kafesi;
8. Bakı şəhəri, Nərimanov rayonu, Xətai pr. 15 ünvanında yerləşən, fiziki şəxs "M-R Group Company" Məhdud Məsuliyyətli Cəmiyyətinə məxsus “Golden Falcon Hotel” mehmanxanasının tərkibində faəliyyət göstərən restoran;
9. Sumqayıt şəhəri, Dənizkənarı bulvar ərazisində yerləşən, fiziki şəxs Məmmədov Zaur Voroşil oğluna məxsus "Port West" restoranı;
10. İsmayıllı rayonu, İsmayıllı-Qəbələ yolunda yerləşən, fiziki şəxs Ağayev Azad Ağa oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Samuxda sahibkar müraciəti əsasında 165 baş heyvan identifikasiya olunub
Heyvanların identifikasiyası və uçotu üzrə tədbirlər davam etdirilir. Samux rayonunda təsərrüfat sahibi Elmar Əliyevin müraciəti əsasında 165 baş heyvana fərdi birkalar vurularaq qeydiyyata alınıb. Proses baytar həkim tərəfindən təlimata uyğun həyata keçirilib. Heyvanların fərdi uçotu onların hərəkətinin izlənilməsi, baytarlıq nəzarətinin gücləndirilməsi, eləcə də epizootik sabitliyin qorunması baxımından mühüm əhəmiyyət daşıyır. Qeyd edək ki, AQTA tərəfindən təsərrüfatlarda heyvanların uçotunun dəqiqləşdirilməsi və baytarlıq xidmətlərinin səmərəliliyinin artırılması məqsədilə bu istiqamətdə tədbirlər mütəmadi olaraq həyata keçirilir.
Heyvanların identifikasiyası niyə vacibdir? – Maarifləndirici çap məhsulları hazırlanıb
Azərbaycan Respublikasının Qida Təhlükəsizliyi Agentliyi (AQTA) tərəfindən Heyvanların İdentifikasiyası və Qeydiyyatı Sisteminin (HİQS) əhəmiyyəti ilə bağlı maarifləndirici çap məhsulları hazırlanıb. Materiallarda heyvanların fərdi identifikasiyasının baytarlıq tədbirlərinin daha dəqiq və effektiv həyata keçirilməsinə, xəstəliklərin vaxtında aşkarlanmasına və yayılmasının qarşısının alınmasına imkan verdiyi qeyd olunur. Həmçinin heyvanların identifikasiyasının Avtomatlaşdırılmış Qida Təhlükəsizliyi İnformasiya Sistemi (AQTİS) vasitəsilə həyata keçirildiyi, fermer və sahibkarların bu məqsədlə AQTA-nın regional bölmələrinə və Azərbaycan Qida Təhlükəsizliyi İnstitutuna (AQTİ) müraciət edə biləcəyi barədə məlumat verilir. Çap məhsulları fermerlər və təsərrüfat sahibləri arasında paylanılacaq və onların maarifləndirilməsi məqsədilə istifadə olunacaq.
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
