Giriş
AQTA koronavirusun profilaktikası çərçivəsində reydləri davam etdirir
9 Dekabr 2020 18:13
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir.
Belə ki, AQTA əməkdaşları tərəfindən 8 dekabr 2020-ci il tarixində Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəki, Quba, Lənkəran, Şəmkir, Cəlilabad, Sabirabad) üzrə 408 ictimai iaşə obyektində 799 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.
Reyd keçirilən obyektlərdən 19-da Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.
Bakı şəhəri üzrə:
Bakı şəhəri, D.Əliyeva 212. Ünvanında yerləşən, Hüquqi şəxs "Amir X" Məhdud Məsuliyyətli Cəmiyyətinə məxsus kafe, M. Nərimanov 2075 ünvanında yerləşən, fiziki şəxs İsgəndərov Amil Vahid oğluna məxsus kafe, M.Cəlal E 37 ünvanında yerləşən, fiziki şəxs Cəfərova Rəsmiyyə Yusif qızına məxsus kafe, Sulutəpə qəs., R.Allahverdiyev küçəsində yerləşən, fiziki şəxs Abdullayev Cabbar Alcan oğluna məxsus “Təndir evi” kafesi, A.Nemətulla ev 232 ünvanında yerləşən, fiziki şəxs Əliyeva Ruhiyə Əli qızına məxsus kafe.
Digər şəhər və rayonlar üzrə:
Sumqayıt şəhəri, 17-ci mkr ünvanında yerləşən, fiziki şəxs Kərimov Heybət Allahverən oğluna məxsus “Cavidan” kafesi, 17-ci mkr, Niyazi küçəsində yerləşən, fiziki şəxs Behbudov İlqar Eldar oğluna məxsus "Dağ çiçəyi" kafesi, Bədəlbəyli küç., ev 22 ünvanında yerləşən, fiziki şəxs Rzayev Orxan Telman oğluna məxsus "Love palace" kafesi, 18-ci məhəllədə yerləşən, fiziki şəxs Abdulhəşimova Xatin Bəxtiyar qızına məxsus "Sünbül" kafesi, məh. 16, 1 nömrəli məktəbin yanında yerləşən, fiziki şəxs Həsənova Reyhan Rəhim qızına məxsus "Kişmiş" kafesi, Novxanı yolunda yerləşən, fiziki şəxs Ələkbərov Orxan Əfqan oğluna məxsus "Yelkən" kafesi, Novxanı yolunda yerləşən, fiziki şəxs Tapdıqov Ruslan Qivami oğluna məxsus “İbiza” restoranı, Novxanı yolunda yerləşən, fiziki şəxs Məmmədov Turan Qədir oğluna məxsus "Sahil" kafesi, Novxanı yolunda yerləşən, fiziki şəxs Məmmədov Etibar Ramazan oğluna məxsus "Duyğu" restoranı.
Abşeron rayonu, Mehdiabad qəsəbəsi, 28 May küçəsində yerləşən, fiziki şəxs Sultanov Məcid Faiq oğluna məxsus “Uğur Qutab” kafesi, Mehdiabad qəsəbəsi, 28 May küçəsində yerləşən, fiziki şəxs Bağırov Əhməd Əsgər oğluna məxsus kafe, Xırdalan şəhərində yerləşən, fiziki şəxs Musayev Mahir Humay qızına məxsus "Şahdağ" kafesi, Xirdalan şəhəri, Bakı-Sumqayıt şosesi 16-cı km. ünvanında yerləşən, fiziki şəxs Mikayılov Xəyal Ramiz oğluna məxsus kafe.
Ağstafa şəhəri, H.Əliyev pr., fiziki şəxs Kərimov Kərim Həsənli oğluna məxsus çay evi.
Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcəkdir.
Oxşar xəbərlər
Quş qripi xəstəliyinə qarşı keçirilmiş epizootoloji monitorinqin nəticələri açıqlanıb
Quş qripi xəstəliyinə qarşı cari ilin 7-11 aprel tarixlərində keçirilmiş epizootoloji monitorinqin nəticələri açıqlanıb. Tədbir zamanı epizootik risk əsasında müəyyən olunmuş dövlət təbiət yasaqlıqlarının, ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, su anbarları və çaysahili ərazilərdə ümumi müşahidələr aparılaraq vəhşi quşlara klinik baxış keçirilib, 62 baş müxtəlif növ vəhşi quşdan diaqnostik nümunələr götürülüb. Bundan əlavə, 40 sənaye əsaslı müxtəlif həcmli quşçuluq müəssisəsində 400 baş, habelə 21 rayonun (şəhər) 243 ailə təsərrüfatından ümumilikdə müxtəlif növ 742 baş ev quşundan laborator müayinə üçün qan və yaxma nümunələri götürülüb. Monitorinq çərçivəsində təbiət ərazilərinə, müxtəlif növ quşçuluq müəssisələrinə, ailə təsərrüfatlarına, su hövzələri, parklar və zooparklara, dekorativ quşların saxlandığı obyektlərə, diri quş satışının həyata keçirildiyi bazarlara ümumi baxış keçirilib, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri həyata keçirilib. Monitorinq müddətində vəhşi və ev quşlarından götürülmüş nümunələr müvafiq laboratoriyalarda müayinə edilib. Aparılmış müayinələrin ümumi təhlili zamanı quş qripi xəstəliyinin törədicisi və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hala rast gəlinməyib. Epizootoloji vəziyyət və götürülmüş nümunələr barədə məlumatlar müvafiq elektron sistemə daxil edilib.
Quş qripi xəstəliyinə qarşı epizootoloji monitorinq keçiriləcək
Qida Təhlükəsizliyi Agentliyi tərəfindən aidiyyəti qurumlarla birgə cari ilin 19-23 may tarixlərində quş qripi xəstəliyinə qarşı növbəti epizootoloji monitorinq keçiriləcək. Monitorinq zamanı ovçuluq təsərrüfatlarının və milli parkların su-bataqlıq, dənizsahili zonalar və digər ərazilərini əhatə etməklə, ərazi ilə yanaşı vəhşi quşlara ümumi baxış keçiriləcək, bəzi sənaye əsaslı müxtəlif həcmli quşçuluq müəssisələrində, o cümlədən müxtəlif rayonlardakı (şəhərlərdəki) ailə təsərrüfatlarında saxlanılan ev quşlarından laborator müayinə aparılması üçün diaqnostik nümunələr götürüləcək. Habelə ölkə üzrə müəssisələrə, təsərrüfatlara, su hövzələrinə və parklara ümumi baxış keçirilməklə, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri həyata keçiriləcək və epizootoloji məlumatlar toplanaraq təhlil ediləcək. Tədbirlər müddətində götürülmüş nümunələrin laborator müayinələri aparılacaq. Monitorinq çərçivəsində epizootoloji vəziyyət və götürülmüş nümunələr barədə məlumatlar müvafiq elektron sistemə daxil ediləcək.
Dabaq və quş qripi xəstəliyi ilə bağlı bəzi məhdudiyyətlər tətbiq olunub
Küveyt Dövlətinin Əl-Cəhra əyalətində dabaq, Kamboca Krallığının Kratex əyalətində, Liberiya Respublikasının Bonq bölgəsində, Vyetnam Sosialist Respublikasının Nqhe An, Tiyen Gianq, Tuyen Quanq, Lonq An, Quanq Tri əyalətlərində, Polşa Respublikasının Pomorsk inzibati ərazisində isə yüksək patogen quş qripi xəstəliyi qeydə alınıb. Bu barədə Ümumdünya Heyvan Sağlamlığı Təşkilatından (ÜHST) Azərbaycan Respublikasının Qida Təhlükəsizliyi Agentliyinə rəsmi məlumatlar daxil olub. Respublika ərazisinin qeyd olunan yoluxucu xəstəliklərdən qorunması üçün zonalaşma prinsipi nəzərə alınmaqla, dabaq xəstəliyi baş vermiş təsərrüfatdan 10 km radiusda olan ərazilərdən cütdırnaqlı heyvanların, habelə onlara aid xammal və məhsulların idxalına və tranzit daşınmasına, quş qripi xəstəliyi baş vermiş təsərrüfatdan 10 km radiusda olan məsafədə yerləşən müəssisələrdən isə diri quş və quşçuluq məhsullarının idxalına ÜHST-nin “Quruda yaşayan heyvanların sağlamlıq Məcəlləsi”nə uyğun olaraq, müvəqqəti məhdudiyyət tətbiq olunub. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
