AQTA mütəxəssisləri taxıl idxalçıları ilə onlayn görüş keçirib

26 Sentyabr 2020 12:50

Azərbaycan Respublikası Qida Təhlükəsizliyi Agentliyi tərəfindən taxıl (ərzaqlıq buğda) idxalı və istehsalı ilə məşğul olan fiziki və hüquqi şəxslərlə onlayn formatda videokonfrans keçirilib. Bildirilib ki, onlayn formatda görüşün keçirilməsində əsas məqsəd buğda idxalı sahəsində mövcud durumun dəyərləndirilməsi, idxalçılara lazımi dəstəyin verilməsi, idxal proseslərinin sadələşdirilməsi üçün zəruri olan tədbirlərin müzakirəsi və həllinə nail olmaqdır.

Onlayn görüşdə çıxış edən AQTA sədrinin müavini Balarəhim Quliyev bildirib ki, ölkədə ərzaq təhlükəsizliyinin təmin olunması ilə bağlı müəyyənləşdirilmiş tədbirlər çərçivəsində əhalinin strateji ərzaq məhsulu olan ərzaqlıq buğda ilə dayanıqlı təminatı prioritet istiqamətdir. Buğda ilə təminat üzrə qarşıya qoyulmuş vəzifələrin icrası istiqamətində Agentlik tərəfindən bu sahədə fəaliyyət göstərən dövlət və özəl strukturlar ilə birgə əməkdaşlığın gücləndirilməsi məqsədilə mütəmadi olaraq görüşlər keçirilir.  
Videokonfransda sahibkarları maraqlandıran suallar cavablandırılıb.

Oxşar xəbərlər

18 Sentyabr 2026 16:56

Ölkədə fəaliyyətinə icazə verilən heyvan bazarlarının sayı 22-ə çatdı - VİDEO

Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.

18 Sentyabr 2026 16:03

Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO

Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.

17 Sentyabr 2026 17:26

Qanunsuz heyvan kəsimi ciddi risklər yarada bilər - VİDEO

Baytarlıq müayinəsindən keçməmiş, xəstə və ya xəstəlik şübhəsi olan heyvanların kəsilərək ətinin istehlaka təqdim edilməsi insan sağlamlığı üçün ciddi risklər yaradır. Belə heyvanlardan insanlara bruselyoz, qarayara, vərəm və digər zoonoz xəstəliklər keçə bilər.