Giriş
AQTA vakant yerlərə işçi qəbulu elan edir
24 İyun 2021 11:02
Azərbaycan Respublikası Qida Təhlükəsizliyi Agentliyinin tabeliyində olan Azərbaycan Qida Təhlükəsizliyi İnstitutu regional bölmələrdə qida təhlükəsizliyi sisteminin səmərəli təşkili məqsədilə Agentliyin fəaliyyət istiqamətlərindən irəli gələrək qida təhlükəsizliyi, baytarlıq və fitosanitar sahələrində çalışmaq istəyən, müvafiq ixtisasa yiyələnmiş və ya beynəlxalq sertifikatı olan ali təhsilli mütəxəssisləri əməkdaşlığa dəvət edir.
Qida məhsulları mühəndisliyi, qida təhlükəsizliyi, istehlak mallarının ekspertizası və marketinqi, tibbi profilaktika, metrologiya, standartlaşdırma və sertifikasiya mühəndisliyi, aqronomluq, baytarlıq, bitki mühafizə, biologiya, aqrokimya və torpaqşünaslıq ixtisasları üzrə təhsil almış namizədlər çalışmaq istədikləri regionun adını mövzu yerində qeyd etməklə özləri barədə məlumatlara dair anket formasını info@afsa.gov.az ünvanına göndərməli və ya 12 iyul 2021-ci il tarixinədək aşağıdakı regional bölmələrə təqdim etməlidirlər.
- Xaçmaz Regional Bölməsi (Xaçmaz, Quba, Qusar, Şabran, Siyəzən, Xızı);
- Şamaxı Regional Bölməsi (Şamaxı, Göyçay, Ağsu, Kürdəmir, İsmayıllı);
- Salyan Regional Bölməsi (Salyan, Sabirabad, Saatlı, Şirvan, Hacıqabul, Neftçala);
- Lənkəran Regional Bölməsi (Lənkəran, Masallı, Yardımlı, Astara, Lerik, Cəlilabad, Biləsuvar);
- Bərdə Regional Bölməsi (Bərdə, Mingəçevir, Yevlax, Ağdaş, Tərtər, Ağdam);
- Şəki Regional Bölməsi (Şəki, Qax, Zaqatala, Baləkən, Oğuz, Qəbələ);
- Gəncə Regional Bölməsi (Gəncə, Naftalan, Samux, Göygöl, Goranboy, Daşkəsən);
- Tovuz Regional Bölməsi (Tovuz, Qazax, Ağstafa, Şəmkir, Gədəbəy);
- Ucar Regional Bölməsi (Ucar, Ağcabədi, Beyləqan, İmişli, Zərdab, Füzuli).
Oxşar xəbərlər
“İbrahim Kabab Evi” ictimai iaşə obyektində nöqsanlar aşkarlanıb
Bakı şəhəri, Nəsimi rayonu, H.Aslanov küçəsi, ev 85, m. 20 ünvanında fəaliyyət göstərən, fiziki şəxs Nəbiyev İbrahim Ağaisa oğluna məxsus “İbrahim Kabab Evi” ictimai iaşə obyektində Qida Təhlükəsizliyi Agentliyi tərəfindən keçirilmiş yoxlama zamanı normativ hüquqi aktların tələblərinin pozulduğu məlum olub. Baxış zamanı iaşə obyektində istehlaka təqdim edilən ətlərin baytarlıq müşayiətedici sənədlərinin olmadığı aşkarlanıb. Ət və ət məhsullarından, alət və avadanlıqlardan götürülmüş nümunələrin laborator müayinəsi nəticəsində uyğunsuzluqlar müəyyən edilib. Faktla bağlı nöqsanlar aradan qaldırılanadək ictimai iaşə obyektində işlərin görülməsi, xidmətlərin göstərilməsi məhdudlaşdırılıb, rəhbərliyi barəsində inzibati protokol tərtib olunub.
Xırdalanda ictimai iaşə obyektində normativ tələblərin pozulduğu aşkarlanıb
Qida Təhlükəsizliyi Agentliyinin əməkdaşları Xırdalan şəhəri, S.Bəhlulzadə küçəsində fəaliyyət göstərən, fiziki şəxs Məmmədov Məmməd Tofiq oğluna məxsus “Məhəllə” kafesində yoxlama keçirib. Baxış zamanı kafedə qida təhlükəsizliyi sahəsində texniki normativ hüquqi aktların tələblərinin pozulduğu, sanitar-gigiyenik və sanitar-texniki vəziyyətin qənaətbəxş olmadığı aşkarlanıb. Etiket məlumatları və müvafiq müşayiətedici sənədləri olmayan məhsulların satışa çıxarıldığı müəyyən edilib. Faktla bağlı nöqsanlar aradan qaldırılanadək kafenin fəaliyyəti məhdudlaşdırılıb, rəhbəri barəsində inzibati qərar qəbul edilərək cərimə tətbiq olunub.
Bərdədə bazarda nöqsanlar aşkarlanıb
Qida Təhlükəsizliyi Agentliyinin əməkdaşları tərəfindən Bərdə rayonu, Güloğlular kəndində fəaliyyət göstərən “Ticarət Mərkəzi” MMC-yə məxsus bazarda keçirilmiş yoxlama zamanı aşkarlanan nöqsanların icra vəziyyəti ilə bağlı yenidən yoxlama keçirilib. Baxış zamanı bazarda süd və süd məhsullarının mənşəyinin məlum olmadığı və temperatur rejiminə əməl edilmədiyi, məhsulların açıq şəkildə satışa çıxarıldığı, işçilərin gigiyena qaydalarına diqqət yetirmədiyi və xüsusi geyimlə təmin edilmədiyi, əl yuma çanaqlarının mövcud olmadığı və digər nöqsanlar müəyyən edilib. Faktla bağlı sahibkar barəsində inzibati protokol tərtib edilib, qeyd edilən məhsullar satışdan kənarlaşdırılıb və icrası məcburi göstərişlər verilib.
