Giriş
AQTA və AQTİ nümayəndə heyəti ABŞ-da işgüzar səfərdə olub
15 Aprel 2019 12:37
ABŞ-ın Beynəlxalq İnkişaf Agentliyi və WCC şirkətinin təşkilatçılığı ilə Azərbaycan Respublikasının Qida Təhlükəsizliyi Agentliyi (AQTA) və Azərbaycan Qida Təhlükəsizliyi İnstitutunun (AQTİ) nümayəndə heyəti ABŞ-da işgüzar səfərdə olub. Səfər çərçivəsində ABŞ Qida və Dərman Administrasiyası, ABŞ Kənd Təsərrüfatı Departamentinin rəhbərliyi, eləcə də Vaşinqton və onun ətrafında yerləşən qida təlükəsizliyi sahəsində fəaliyyət göstərən qurumlarla əməkdaşlıq istiqamətlərində görüşlər keçirilib.
Görüş zamanı qurumlara AQTA-nın fəaliyyəti haqqında ətraflı məlumatl verilib. Adıçəkilən qurumlarla qida təhlükəsizliyi, baytarlıq və fitosanitar sahələrində əməkdaşlıq istiqamətləri müzakirə olunub. Eyni zamanda qurumlar arasında təcrübə mübadiləsi və laboratoriyaların akkreditasiyası üzrə qabaqcıl təcrübənin tətbiqi sahəsində danışıqlar aparılıb.
Bundan başqa səfər çərçivəsində nümayəndə heyəti ABŞ Ətraf Mühitin Mühafizəsi Agentliyinin fəaliyyət sahəsi ilə tanış olub, birgə əməkdaşlıq perspektivləri müzakirə olunub.
Həmçinin nümayəndə heyətinin Maryland Sağlamlıq Departamentinin nümayəndə heyəti ilə görüşü baş tutub. Görüş zamanı əməkdaşlara müxtəlif sahələr üzrə qida zəncirinin bütün mərhələlərində qarşı tərəfin fəaliyyətini əks etdirən təqdimatlar nümayiş etdirilib.
İşgüzar görüş Kolumbiya Univesitetinin rəhbərliyi ilə başa çatıb. Nümayəndə heyəti universitetin elmi-praktiki araşdırmaları, fəaliyyət sahələri, tətbiq olunan qabaqcıl texnologiyalar ilə yaxından tanış olublar.
Oxşar xəbərlər
Ölkədə fəaliyyətinə icazə verilən heyvan bazarlarının sayı 22-ə çatdı - VİDEO
Qazax və Gədəbəy rayonlarında yerləşən heyvan bazarlarının biotəhlükəsizlik, həmçinin müasir standartlara uyğun yenidənqurma və abadlaşdırma işlərindən sonra fəaliyyətinə icazə verilib. Belə ki, bazarların giriş-çıxış qapısında dezbaryerlər quraşdırılıb, baytarlıq nəzarəti zamanı xəstəlik əlamətləri aşkar edilən heyvanların digər heyvanlardan təcrid olunaraq saxlanılması məqsədilə xüsusi izolyatorlar tikilib.
Ölkənin 33 rayon və şəhərində müasir heyvan kəsimi məntəqələri qurulmalıdır - VİDEO
Ət və ət məhsullarının təhlükəsizliyinin təmin edilməsi baxımından heyvanların kəsiminin müvafiq baytarlıq-sanitariya və sanitariya-gigiyena tələblərinə cavab verən ixtisaslaşdırılmış kəsim məntəqələrində həyata keçirilməsi mühüm əhəmiyyət daşıyır. Azərbaycan Respublikasının Qida Təhlükəsizliyi Agentliyi (AQTA) tərəfindən aparılan monitorinqlər göstərir ki, hazırda ölkənin 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir. Əhalinin sıx məskunlaşdığı bu bölgələrdə heyvan kəsimi məntəqələrinin mövcud olmaması heyvanların kəsiminin əksər hallarda küçələrdə, yol kənarlarında həyata keçirilməsinə şərait yaradır. Bu da öz növbəsində kəsim prosesinin, eləcə də əldə olunan ət və ət məhsullarının təhlükəsizliyinə nəzarətin təmin edilməsində birbaşa çətinliklər yaradır.
Qanunsuz heyvan kəsimi ciddi risklər yarada bilər - VİDEO
Baytarlıq müayinəsindən keçməmiş, xəstə və ya xəstəlik şübhəsi olan heyvanların kəsilərək ətinin istehlaka təqdim edilməsi insan sağlamlığı üçün ciddi risklər yaradır. Belə heyvanlardan insanlara bruselyoz, qarayara, vərəm və digər zoonoz xəstəliklər keçə bilər.
