Giriş
AQTİ laboratoriyalarında ümumilikdə 1731 müayinə parametri üzrə sınaqlar həyata keçirilib
17 Mart 2021 16:38
Ölkəmizdə qida təhlükəsizliyinin təmin edilməsində laboratoriya sisteminin inkişafı müstəsna əhəmiyyətə malikdir. Bu məqsədlə Azərbaycan Qida Təhlükəsizliyi İnstitutunun nəzdində fəaliyyət göstərən laboratoriyaların maddi-texniki bazasının gücləndirilməsi, eləcə də modernləşdirilməsi, həmçinin beynəlxalq metodlardan istifadənin genişləndirilməsi istiqamətində mütəmadi olaraq tədbirlər görülür.
2020-ci ilin ilin yanvar-dekabr ayları ərzində İnstitutun Analitik Ekspertiz Mərkəzinin nəzdində fəaliyyət göstərən laboratoriyalarda ümumilikdə 1731 müayinə parametri üzrə sınaqlar həyata keçirilib. Həmçinin sınaqlar qida təhlükəsizliyi, heyvan və bitki sağlamlığı sahəsi olmaqla 642 fərqli parametrlə aparılıb.
Eyni zamanda İnstitut tərəfindən daha çox qida təhlükəsizliyi problemi olan parametrlərə və məhsullara uyğun risk əsaslı müayinə metodlarının seçilməsinin təmin edilməsi məqsədilə yeni strategiya hazırlanıb. Hazırlanan strategiya əsasında qüvvədə olan qida təhlükəsizliyi standartlarının beynəlxalq qida təhlükəsizliyi standartlarına uyğunlaşdırılması çərçivəsində laboratoriyalarda istifadə edilən metodlarda dəyişikliklər edilib, standartlara uyğun metodlar üzrə reaktiv-reagent və digər lazımi vəsaitlər əldə edilib.
Həmçinin İnstitut tərəfindən xüsusilə idxal məhsullarının müayinəsinin operativ həyata keçirilməsi məqsədi ilə müştəri sifarişləri əsasında ekspres müayinə metodlarından istifadə edilməsi həyata keçirilib. Bu məqsədlə zəruri reaktivlər təmin edilib və istifadə edilən cihazlar metroloji baxışdan keçirilib.
Oxşar xəbərlər
Ölkə üzrə heyvanların identikləşdirilməsi genişləndiriləcək – Dövlət Proqramı
Prezidentin Sərəncamı ilə təsdiq edilən “Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvanların identikləşdirilməsi və məlumatların Avtomatlaşdırılmış Qida Təhlükəsizliyi İnformasiya Sisteminə (AQTİS) daxil edilməsi nəzərdə tutulur. Prosesin icrası ilə heyvan sağlamlığına nəzarət gücləndiriləcək və heyvan mənşəli məhsulların izlənilməsi təmin olunacaq. Bu çərçivədə heyvan sahibləri və fermerlər identikləşdirilmə prosesinin vacibliyi və tələbləri barədə məlumatlandırılacaq, müvafiq təlimlər keçiriləcək. Dövlət Proqramında heyvanların identifikasiyası və qeydiyyatı ilə bağlı rəqəmsal imkanların inkişafına da xüsusi diqqət yetirilir. Sənəddə Heyvanların İdentifikasiyası və Qeydiyyatı Sisteminin (HİQS) əhatə dairəsinin genişləndirilməsi və funksionallığının artırılmasının heyvan sağlamlığı və biotəhlükəsizliyin təmin olunması baxımından əhəmiyyəti vurğulanır. Sistem heyvanların düzgün qeydiyyatını, sağlamlıq vəziyyətinin izlənilməsini və müvafiq tədbirlərin vaxtında həyata keçirilməsini dəstəkləyir.
Sahibsiz heyvanların sığınacaqla təmin edilməsi istiqamətində tədbirlər həyata keçiriləcək
“Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvan sağlamlığı və biotəhlükəsizliyə nəzarət sisteminin təkmilləşdirilməsi istiqamətində sahibsiz heyvanların sığınacaqlarla təmin edilməsi ilə bağlı tədbirlərin həyata keçirilməsi nəzərdə tutulur. Azərbaycan Respublikası Qida Təhlükəsizliyi Agentliyinin Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev Dövlət Proqramında nəzərdə tutulan tapşırıqların icrası ilə bağlı məsələlərə aydınlıq gətirib. Ətraflı:
Aldığımız ətin mənşəyini necə öyrənə bilərik? - VİDEO
Heyvan mənşəli məhsulların təhlükəsizliyinin təmin olunmasında heyvanların identifikasiyası və izlənilməsi mühüm əhəmiyyət daşıyır. Belə ki, heyvan doğulduğu andan etibarən onun fərdi identifikasiyası aparılır. Əldə olunan məlumatlar Avtomatlaşdırılmış Qida Təhlükəsizliyi İnformasiya Sistemində (AQTİS) qeydiyyata alınır. Sistem vasitəsilə heyvanın saxlanıldığı təsərrüfat, onunla bağlı həyata keçirilən baytarlıq tədbirləri barədə məlumatların izlənilməsi təmin edilir. Bu, heyvanın təsərrüfatdan bazara və kəsim məntəqəsinə qədər hərəkətinin izlənilməsinə imkan yaradır. İdentifikasiya və izlənilmə sistemi heyvan xəstəliklərinin vaxtında aşkarlanması və qarşısının alınması, baytarlıq tədbirlərinə nəzarətin gücləndirilməsi, həmçinin heyvan mənşəli məhsulların təhlükəsizliyinin təmin olunması baxımından əhəmiyyətlidir. Beləliklə, istehlakçının aldığı ətin mənşəyi ilə bağlı məlumatın geriyə doğru izlənilməsi heyvanın yetişdirildiyi təsərrüfata qədər mümkündür. Bu imkanın əsasını isə heyvanların identifikasiyası təşkil edir. Daha ətraflı:
