Giriş
“Azərbaycanda sanitar və fitosanitar tədbirlərin gücləndirilməsi” Tvinninq layihəsinin icrasına başlanıb
10 İyun 2021 16:56
Azərbaycan Respublikasının Qida Təhlükəsizliyi Agentliyi (AQTA) və Avropa Birliyinin (AB) Azərbaycandakı nümayəndəliyi ilə birgə “Azərbaycanda sanitar və fitosanitar tədbirlərin gücləndirilməsi” Tvinninq layihəsi çərçivəsində ilk görüş keçirilib. Videoformatda keçirilən görüşdə Avropa Birliyinə üzv dövlətlər tərəfindən icraçı partnyorlar olaraq - Latviya və Litva ilə yanaşı, dövlət qurumlarından və qeyri-hökumət təşkilatlarından təxminən 50-ə yaxın şəxs iştirak edib.
Tədbirdə giriş nitqi ilə çıxış edən Azərbaycan Respublikası Qida Təhlükəsizliyi Agentliyinin sədr müavini Zəkiyyə Mustafayeva Tvinninq layihəsi çərçivəsində görülən işləri müsbət qiymətləndirib və bunun ölkəmizdə qida təhlükəsizliyinin təmin olmasına töhfə verəcəyini vurğulayıb. Z. Mustafayeva layihənin AQTA və Azərbaycan Qida Təhlükəsizliyi İnstitutunun institusional potensialının və əməkdaşlarının peşəkar bacarıqlarının artırılması baxımından çox faydalı olacağına əminliyini ifadə edib. Qeyd edib ki, əməkdaşlıq çərçivəsində həyata keçiriləcək bu layihənin də qarşılıqlı fəaliyyət və yüksək komanda işi nəticəsində ölkəmizdə sanitar və fitosanitar tədbirlərin gücləndirilməsində müsbət təsir göstərəcəkdir.
Daha sonra Avropa Birliyinin Azərbaycandakı nümayəndəliyinin nazir müşaviri və əməkdaşlıq üzrə rəhbəri xanım Simona Gatti “Fermadan Çəngələ” strategiyası çərçivəsində pestisid, gübrə və aqrokimyəvi maddələrin istifadəsinin azaldılaraq qida təhlükəsizliyini ən yüksək səviyyədə saxlamağa, orqanik istehsalı genişləndirməyə, qida tullantılarını məhdudlaşdırmağa və məsuliyyətli istehlakı təşviq etməyə səy göstərirdiklərini bildirib. Qeyd olunub ki, bu səbəbdən də təqdim olunan layihənin icrasına başlanmaqla Azərbaycanda nəzarət, pestisid qeydiyyatı və istifadəsinin AB və beynəlxalq standartlara uyğunlaşdırılmasına kömək edəcəkdir.
Tədbirdə Latviyadan layihə rəhbəri xanım Kristine Lifanova, Litvadan kiçik layihə lideri cənab Sergejus Fedotovas, habelə AQTA və AB-dən layihənin fəaliyyətləri üzərində işləyəcək qida təhlükəsizliyi və bitki mühafizəsi üzrə əsas mütəxəssislər konfransda təqdimatla çıxış ediblər.
Qeyd edək ki, layihənin keçirilməsində məqsəd diqqəti bitki mənşəli qida və yemlərə ayırmaqla, sanitar və fitosanitar (SF) qaydalara uyğun qanunvericiliyi daha da inkişaf etdirib təkmilləşdirmək, həmçinin beynəlxalq standartlarla uyğunlaşdırmaqdan ibarətdir. Layihə AQTA tərəfindən Latviya Respublikasının Dövlət Bitki Mühafizə Xidməti və Litva Respublikasının Kənd Təsərrüfatı Nazirliyi yanında Dövlət Bitki Xidməti ilə əməkdaşlıqla həyata keçirilir və 24 ay davam etməsi nəzərdə tutulub.
Oxşar xəbərlər
İctimai iaşə müəssisələrində aşkar edilmiş nöqsanlar aradan qaldırılıb
Azərbaycan Respublikası Qida Təhlükəsizliyi Agentliyinin apardığı plandankənar yoxlamalar zamanı Bakı şəhərində fəaliyyət göstərən bir sıra ictimai iaşə və qida məhsullarının satışı ilə məşğul olan müəssisələrdə aşkarlanmış nöqsanların aradan qaldırılması istiqamətində müvafiq sağlamlaşdırma tədbirləri həyata keçirilib. Belə ki, Xətai, Yasamal və Suraxanı rayonlarında fəaliyyət göstərən 3 müəssisədə keçirilmiş yoxlamalar zamanı müəyyən edilmiş nöqsanlar müəssisə sahibləri tərəfindən aradan qaldırılıb. Görülmüş tədbirlər nəticəsində ictimai iaşə müəssisələrində aşkar edilmiş uyğunsuzluqlar aradan qaldırılıb və fəaliyyətin davam etdirilməsinə şərait yaradılıb. Sağlamlaşdırma tədbirləri həyata keçirilən müəssisələr aşağıdakılardır: 1. Fiziki şəxs Rəhimov Fərid Mübariz oğluna məxsus Bakı şəhəri, Nəsimi rayonu, Mir Cəlal 4 mkr, ev 18A ünvanında yerləşən “Köhnə ciyərxana” kafesi; 2. Fiziki şəxs Zamanov Nəsimi Səməd oğluna məxsus Bakı şəhəri, Nəsimi rayonu, Mir Cəlal küçəsi, 18/3 (93 saylı mağaza) ünvanında yerləşən “Köhnə ciyərxana” kafesi; 3.Fiziki şəxs Bayramov Emin Varımcan oğluna məxsus Bakı şəhəri, Xəzər rayonu, Şüvəlan qəsəbəsi, A.İldırım küçəsi, 37C ünvanında yerləşən “Halva” kafesi;
Masallıda qanunsuz toyuq kəsimi sexləri aşkarlandı – Fəaliyyətləri məhdudlaşdırıldı
Azərbaycan Respublikası Qida Təhlükəsizliyi Agentliyinin əməkdaşları Masallı rayonu, İsgəndərli qəsəbəsində Rəsulov Taleh Seyran oğluna məxsus toyuq kəsimi sexində, Digah kəndində isə Paşayev Füzuli İbrahim oğluna məxsus toyuq kəsimi sahəsində yoxlama keçirib. Yoxlama zamanı hər iki qida obyektində quşların müvafiq müşayiətedici sənədlərinin olmaması, sanitar-gigiyenik və sanitar-texniki tələblərin pozulması və digər nöqsanlar aşkarlanıb. Hər iki sahibkar barəsində inzibati protokol tərtib edilib, məhdudlaşdırıcı tədbirlərin tətbiqi barədə qərar qəbul olunub, toyuq məhsullarından nümunələr götürülərək laborator müayinələrə cəlb edilib. Araşdırmalar davam etdirilir.
Nəzarət tədbirləri - İcmal
AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.
