Giriş
Baytarlıq preparatlarının sınaqları ən müasir metodlarla həyata keçirilir
19 Yanvar 2021 16:18
Heyvandarlıq təsərrüfatlarında baytarlıq preparatlarının normadan artıq istifadəsi heyvanların əzələlərində və orqanlarında antimikrobial qalıqların çökməsi ilə nəticələnə bilər. Heyvan məhsullarında bu qalıqların olması antibiotik müqavimətli bakteriyaların inkişafı, allergiya, reproduktiv pozğunluq və yüksək həssaslıq reaksiyası da daxil olmaqla istehlakçıların sağlamlığı üçün bir sıra risklər yarada bilər.
BMT-nin Ərzaq və Kənd Təsərrüfatı Təşkilatı (FAO) və Ümümdünya Səhiyyə Təşkilatı (WHO) inkişaf etməkdə olan ölkələrdə heyvan mənşəli qida məhsullarında antibiotik qalıqlarının miqdarının icazə verilən səviyyədən çox yüksək olduğunu bildirir. Bunun qarşısını almaq üçün Avropa İttifaqı tərəfindən müxtəlif heyvan mənşəli qida məhsullarında baytarlıq preparatlarının qalıqları üçün maksimum qalıq limitlərini müəyyən edən qanunvericilik hazırlanıb.
Azərbaycan Qida Təhlükəsizliyi İnstitutunun (AQTİ) Milli Referens Laboratoriyasında yüksək həssaslığa malik ikiqat kütlə spektrli maye xromotoqrafı (LC-MS/MS) cihazlarında ət və ət məhsullarında, süd və süd məhsullarında, yumurtada, bal və arıçılıq məhsullarında 19 antibiotik qalığının, ət və ət məhsullarında 5 hormon qalığının müayinəsi aparılır. Sınaqların nəticələri Codex Alimentarius standartları və Avropa mənbələrinə əsasən müqayisə olunur.
Laboratoriyada tətbiq olunan metodun əhatə dairəsinin genişləndirilməsi və yeni antibiotik və hormon sınaqlarının aparılması üzərində işlər aparılır. Laboratoriya mütəxəssisləri mütəmadi olaraq beynəlxalq səriştəlilik sınaqlarında iştirak edirlər.
Oxşar xəbərlər
Ölkə üzrə heyvanların identikləşdirilməsi genişləndiriləcək – Dövlət Proqramı
Prezidentin Sərəncamı ilə təsdiq edilən “Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvanların identikləşdirilməsi və məlumatların Avtomatlaşdırılmış Qida Təhlükəsizliyi İnformasiya Sisteminə (AQTİS) daxil edilməsi nəzərdə tutulur. Prosesin icrası ilə heyvan sağlamlığına nəzarət gücləndiriləcək və heyvan mənşəli məhsulların izlənilməsi təmin olunacaq. Bu çərçivədə heyvan sahibləri və fermerlər identikləşdirilmə prosesinin vacibliyi və tələbləri barədə məlumatlandırılacaq, müvafiq təlimlər keçiriləcək. Dövlət Proqramında heyvanların identifikasiyası və qeydiyyatı ilə bağlı rəqəmsal imkanların inkişafına da xüsusi diqqət yetirilir. Sənəddə Heyvanların İdentifikasiyası və Qeydiyyatı Sisteminin (HİQS) əhatə dairəsinin genişləndirilməsi və funksionallığının artırılmasının heyvan sağlamlığı və biotəhlükəsizliyin təmin olunması baxımından əhəmiyyəti vurğulanır. Sistem heyvanların düzgün qeydiyyatını, sağlamlıq vəziyyətinin izlənilməsini və müvafiq tədbirlərin vaxtında həyata keçirilməsini dəstəkləyir.
Sahibsiz heyvanların sığınacaqla təmin edilməsi istiqamətində tədbirlər həyata keçiriləcək
“Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvan sağlamlığı və biotəhlükəsizliyə nəzarət sisteminin təkmilləşdirilməsi istiqamətində sahibsiz heyvanların sığınacaqlarla təmin edilməsi ilə bağlı tədbirlərin həyata keçirilməsi nəzərdə tutulur. Azərbaycan Respublikası Qida Təhlükəsizliyi Agentliyinin Heyvan sağlamlığı və bioloji təhlükəsizlik şöbəsinin müdiri, respublikanın baş dövlət baytarlıq müfəttişi Qalib Əbdüləliyev Dövlət Proqramında nəzərdə tutulan tapşırıqların icrası ilə bağlı məsələlərə aydınlıq gətirib. Ətraflı:
Aldığımız ətin mənşəyini necə öyrənə bilərik? - VİDEO
Heyvan mənşəli məhsulların təhlükəsizliyinin təmin olunmasında heyvanların identifikasiyası və izlənilməsi mühüm əhəmiyyət daşıyır. Belə ki, heyvan doğulduğu andan etibarən onun fərdi identifikasiyası aparılır. Əldə olunan məlumatlar Avtomatlaşdırılmış Qida Təhlükəsizliyi İnformasiya Sistemində (AQTİS) qeydiyyata alınır. Sistem vasitəsilə heyvanın saxlanıldığı təsərrüfat, onunla bağlı həyata keçirilən baytarlıq tədbirləri barədə məlumatların izlənilməsi təmin edilir. Bu, heyvanın təsərrüfatdan bazara və kəsim məntəqəsinə qədər hərəkətinin izlənilməsinə imkan yaradır. İdentifikasiya və izlənilmə sistemi heyvan xəstəliklərinin vaxtında aşkarlanması və qarşısının alınması, baytarlıq tədbirlərinə nəzarətin gücləndirilməsi, həmçinin heyvan mənşəli məhsulların təhlükəsizliyinin təmin olunması baxımından əhəmiyyətlidir. Beləliklə, istehlakçının aldığı ətin mənşəyi ilə bağlı məlumatın geriyə doğru izlənilməsi heyvanın yetişdirildiyi təsərrüfata qədər mümkündür. Bu imkanın əsasını isə heyvanların identifikasiyası təşkil edir. Daha ətraflı:
