Dünyadakı epizootik vəziyyətə uyğun olaraq müvafiq tədbirlər görülür
21 İyun 2024 11:46
![Dünyadakı epizootik vəziyyətə uyğun olaraq müvafiq tədbirlər görülür](https://afsa.gov.az/resized/resize649/center/pages/9236/woah-1-0.jpg)
Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir.
Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, İsveç Krallığının Skane əyalətində Nyukasl, Avstraliya İttifaqının Viktoriya ştatında isə yüksək patogen quş qripi xəstəliyi qeydə alınıb.
Respublika ərazisinin qeyd olunan yoluxucu xəstəliklərdən qorunması üçün Skane əyalətində və Viktoriya ştatında zonalaşma prinsipi nəzərə alınmaqla, xəstəlik baş vermiş təsərrüfatdan 10 km radiusda olan məsafədə yerləşən müəssisələrdən diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (xəstəlik viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına WOAH-nin “Quruda yaşayan heyvanların sağlamlıq Məcəlləsi”nə uyğun olaraq müvəqqəti məhdudiyyət tətbiq olunub.
Eyni zamanda nəzarət tədbirlərinin gücləndirilməsi məqsədilə qeyd olunan inzibati ərazi vahidlərindən gələn, yaxud tranzitlə keçib respublikamıza daxil olan, habelə respublika ərazisindən tranzitlə digər ölkələrə gedən nəqliyyat vasitələri ilə bağlı müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.
Oxşar xəbərlər
![Azərbaycanda zoonoz xəstəliklərlə bağlı beynəlxalq tədbir keçiriləcək](https://afsa.gov.az/resized/resize224/center/pages/9263/regional-meslehet-qrup-1.jpg)
Azərbaycanda zoonoz xəstəliklərlə bağlı beynəlxalq tədbir keçiriləcək
2-4 iyul tarixlərində ölkəmizdə xırdabuynuzlu heyvanların taunu xəstəliyinə dair planın məsləhətləşməsi və dabaq xəstəliyi üzrə yol xəritəsi ilə bağlı beynəlxalq tədbir keçiriləcək.
![ABŞ-nin Ayova ştatında yüksək patogen quş qripi xəstəliyi qeydə alınıb](https://afsa.gov.az/resized/resize224/center/pages/9251/xeber-formasi-absh.jpg)
ABŞ-nin Ayova ştatında yüksək patogen quş qripi xəstəliyi qeydə alınıb
Ümumdünya Heyvan Sağlamlığı Təşkilatının rəsmi məlumatına əsasən, Amerika Birləşmiş Ştatlarının Ayova ştatında yüksək patogen quş qripi xəstəliyi qeydə alınıb.
![Şotlandiyanın Cənubi Ayrşir inzibati ərazi vahidində süngərvari ensefalopatiya xəstəliyi qeydə alınıb](https://afsa.gov.az/resized/resize224/center/pages/9219/sotlandiya-oie.jpg)
Şotlandiyanın Cənubi Ayrşir inzibati ərazi vahidində süngərvari ensefalopatiya xəstəliyi qeydə alınıb
Ümumdünya Heyvan Sağlamlığı Təşkilatının rəsmi məlumatına əsasən, Şotlandiyanın Cənubi Ayrşir inzibati ərazi vahidində süngərvari ensefalopatiya xəstəliyi qeydə alınıb.
![Süd və süd məhsullarının ölkəyə idxalı qaydaları ilə bağlı videoçarx](https://img.youtube.com/vi/QZcOlbCF0f4/hqdefault.jpg)