Giriş
Qanunsuz heyvan kəsimi fəaliyyətinin qarşısının alınması istiqamətində tədbirlər davam etdirilir
16 İyun 2021 10:34
“Heyvan kəsimi fəaliyyətinin tənzimlənməsi haqqında” Azərbaycan Respublikası Prezidentinin 2018-ci il 11 iyun tarixli 199 nömrəli Sərəncamının icrası ilə bağlı olaraq baytarlıq-sanitariya və sanitariya-gigiyena normalarına cavab verməyən yerlərdə, küçələrdə, yol kənarlarında satış məqsədi üçün heyvan kəsimi hallarının qarşısının alınması istiqamətində Azərbaycan Respublikası Qida Təhlükəsizliyi Agentliyi (AQTA) aidiyyəti dövlət orqanları ilə birlikdə ardıcıl monitorinqlər, yoxlama-nəzarət tədbirləri həyata keçirir.
Əhalinin sağlam qida məhsulları ilə təmin olunmasında heyvan kəsimi məntəqələrinin və bu istiqamətdə fəaliyyət göstərən sahibkarlıq subyektlərinin üzərinə böyük məsuliyyət düşür. Bu məsuliyyətdən irəli gələn vəzifələrin yerinə yetirilməsi üçün heyvan kəsimi məntəqələrinin qida təhlükəsizliyi tələblərinə, gigiyenik norma və qaydalara uyğun fəaliyyət göstərməsi zəruri şərtlərdəndir.
Qeyd edək ki, aparılan müntəzəm yoxlama-nəzarət zamanı qanunsuz heyvan kəsimi fəaliyyəti ilə bağlı aşkar olunmuş faktlar üzrə məlumatlar Agentlik tərəfindən müvafiq tədbirlərin görülməsi üçün yerli icra hakimiyyəti orqanlarına göndərilsə də, bir sıra heyvan kəsimi məntəqələri qanunsuz fəaliyyətini hələ də davam etdirməkdədir.
Belə ki, Xaçmaz şəhərinin Köhnə-Xaçmaz, Nərəcan, Müzəffəroba, Mürşüdoba və Çinartala kəndləri üzrə keçirilən monitorinqlər zamanı sanitar-gigiyenik norma və qaydalara əməl olunmadan fəaliyyət göstərən heyvan kəsimi və ət satışı məntəqələrinə dəfələrlə rəsmi xəbərdarlıq edilməsinə və inzibati tədbirlər görülməsinə baxmayaraq, onlardan bəzilərinin qanunsuz fəaliyyəti davam etdirdikləri aşkar olunub.
Həmin qanunsuz heyvan kəsimi məntəqələrinin ünvanları aşağıdakılardır:
Xaçmaz rayonu üzrə:
1. Xaçmaz şəhəri, Köhnə-Xaçmaz kəndində yerləşən, Ağayev Nemət Sadıq oğluna məxsus heyvan kəsim məntəqəsi;
2. Xaçmaz şəhəri, Köhnə-Xaçmaz kəndində yerləşən, Əhmədov Murad Hakim oğluna məxsus heyvan kəsim məntəqəsi;
3. Xaçmaz şəhəri, Köhnə-Xaçmaz kəndində yerləşən, Seyidov Zaur Buludxan oğluna məxsus heyvan kəsim məntəqəsi;
4. Xaçmaz şəhəri, Köhnə-Xaçmaz kəndində yerləşən, Məlikməmmədov Rəşad İlyas oğluna məxsus heyvan kəsim məntəqəsi;
5. Xaçmaz şəhəri, Köhnə-Xaçmaz kəndində yerləşən, Ağayev Nizami Əmirağa oğluna məxsus heyvan kəsim məntəqəsi;
6. Xaçmaz şəhəri, Müzəffəroba kəndində yerləşən, Hüseynov Ramin Şafaqat oğluna məxsus heyvan kəsim məntəqəsi;
7. Xaçmaz şəhəri, Mürşüdoba kəndində yerləşən, Qəhrəmanlı Ruslan Firuddin oğluna məxsus heyvan kəsim məntəqəsi;
8. Xaçmaz şəhəri, Nərəcan kəndində yerləşən, Ağayev Rifaq Sabir oğluna məxsus heyvan kəsim məntəqəsi;
9. Xaçmaz şəhəri, Bakı prospektində yerləşən, Bürcəliyev Mövlan Gəncəli oğluna məxsus heyvan kəsim məntəqəsi;
10. Xaçmaz şəhəri, R. Behbudov küçəsində yerləşən, Balakişiyev Heybət Şıxcamal oğluna məxsus heyvan kəsim məntəqəsi;
11. Xaçmaz şəhəri, Quba yolunun 1-ci kilometrliyində yerləşən, Mehrəliyev Məcnun Gülmurad oğluna məxsus heyvan kəsim məntəqəsi;
12. Xaçmaz şəhəri, Hacıəlibəyli kəndində yerləşən, İsmayılov Mehdi İsmayıl oğluna məxsus heyvan kəsim məntəqəsi;
13. Xaçmaz şəhəri, Köhnə-Xaçmaz kəndində yerləşən, Kərimov Eyvaz Kərəm oğluna məxsus heyvan kəsim məntəqəsi;
14. Xaçmaz şəhəri, Çinartala kəndində yerləşən, Manafov Əliməmməd Gülməmməd oğluna məxsus heyvan kəsim məntəqəsi;
15. Xaçmaz şəhəri, Bakı prospektində yerləşən, İsgəndərov Əli İsgəndər oğluna məxsus heyvan kəsim məntəqəsi.
AQTA bəyan edir ki, qanunsuz heyvan kəsimi fəaliyyətinə nəzarətlə bağlı müvafiq orqanlar tərəfindən qanunvericiliyə uyğun tədbirlər həyata keçiriləcəkdir.
Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə çağırır.
Oxşar xəbərlər
Göygöldə "Dost" kafesində normativ tələblərin pozulduğu müəyyən edilib
Qida Təhlükəsizliyi Agentliyinin əməkdaşları Göygöl rayonu, Balçılı kəndində fəaliyyət göstərən “Dost” kafesində yoxlama keçirib. Baxış zamanı ictimai iaşə obyektində sanitar-texniki və sanitar-gigiyenik vəziyyətin normativ tələblərə cavab vermədiyi, soyuducuda mal qonşuluğu prinsipinin pozulduğu və etiketlənməsi aparılmayan qida məhsulları aşkarlanıb. Emal sahəsində ayrıca yuma çanaqlarının təşkil edilmədiyi, havalandırma sisteminin təchiz edilmədiyi, döşəmə və divar səthlərinin təmirsiz olduğu, qida ilə təmasda olan işçilərin tibbi müayinədən keçmədiyi və gigiyenik təlimlərə cəlb olunmadığı, müvafiq təmizlik işlərinin görülmədiyi və digər nöqsanlar aşkarlanıb. Faktla bağlı sahibkar barəsində inzibati protokol tərtib edilib, nöqsanlar aradan qaldırılanadək iaşə obyektinin dönər hazırlanma sahəsində işlərin və xidmətlərin görülməsinə məhdudiyyət tətbiq olunub və icrası məcburi göstərişlər verilib.
Masallıda fəaliyyət göstərən restoranda nöqsanlar aşkarlanıb
Masallı rayonu, Binə Xocavar-Təzə Alvadı yolunda fəaliyyət göstərən, fiziki şəxs Əliyeva Nuranə İmran qızına məxsus “Qartal” restoranında Qida Təhlükəsizliyi Agentliyinin əməkdaşları tərəfindən keçirilmiş yoxlama zamanı normativ tələblərin pozulduğu aşkarlanıb. Belə ki, ictimai iaşə obyektinin qida təhlükəsizliyi qeydiyyatından keçmədən fəaliyyət göstərdiyi məlum olub. Eyni zamanda sanitar-gigiyenik tələblərin pozulduğu, mətbəxdə döşəmə və divar səthlərinin təmirsiz olduğu, qida məhsulları ilə təmasda olan səthlərin yuyula bilən və korroziyaya davamlı materialla üzlənmədiyi, müvafiq təmizlik işlərinin görülmədiyi və digər nöqsanlar müəyyən edilib. Faktla bağlı sahibkar barəsində inzibati protokol tərtib edilib, restoranda mətbəxin fəaliyyəti nöqsanlar aradan qaldırılanadək məhdudlaşdırılıb.
Biləsuvarda topdansatış anbarında saxta alkoqollu içkilər aşkarlanıb
Qida Təhlükəsizliyi Agentliyinin əməkdaşları Biləsuvar rayonu, H.Əliyev prospektində fəaliyyət göstərən, Nağıyev Samir Nizami oğluna məxsus topdansatış anbarında yoxlama keçirib. Baxış zamanı iaşə obyektində 32 ədəd 0.5 litrlik və 18 ədəd 1 litrlik “Belaruska” əmtəə nişanlı, 140 ədəd 1.75 litrlik “Bio Luks” əmtəə nişanlı, 80 ədəd 0.5 litrlik “Belaya Rus” əmtəə nişanlı saxta alkoqollu içki aşkarlanıb. Məhsullardan nümunələr götürülərək laborator müayinələrə cəlb edilib. Faktla bağlı fiziki şəxs barəsində inzibati protokol tərtib olunub, uyğunsuzluq aşkarlanmış məhsulların satışının qadağan edilməsi barədə məhdudlaşdırıcı tədbirlərin tətbiqinə dair qərar qəbul edilib. Araşdırmalar davam etdirilir.
