Giriş
Qida Təhlükəsizliyi Agentliyində Avstriyanın Azərbaycandakı səlahiyyətli səfiri və şirkətlərinin nümayəndə heyəti ilə görüş keçirilib
27 İyun 2019 09:50
Azərbaycan Respublikasının Qida Təhlükəsizliyi Agentliyində (AQTA) Avstriyanın Azərbaycandakı səlahiyyətli səfiri və qida sahəsində fəaliyyət göstərən şirkətlərinin nümayəndə heyəti ilə görüş keçirilib.
Görüşdə AQTA-nın aparat rəhbəri Zəkiyyə Mustafayeva nümayəndə heyətinə Agentliyin fəaliyyət istiqamətləri və qarşıya qoyulan hədəflər haqqında məlumat verib. Bildirilib ki, Agentlik əhalinin təhlükəsiz qida məhsulları ilə təmin edilməsi istiqamətində beynəlxalq təşkilatlarla sıx əməkdaşlıq edir.
Nümayəndə heyətinə rəhbərlik edən Avstriyanın Azərbaycandakı fövqəladə və səlahiyyətli səfiri Aleksandr Bayerl səmimi qəbula görə təşəkkür edib, Azərbaycanda səfir kimi fəaliyyətindən məmnunluğunu ifadə edərək, ölkələr arasında qida təhlükəsizliyi sahəsində əlaqələrin bundan sonra da inkişaf edəcəyinə əminliyini vurğulayıb.
Görüşdə iki ölkə arasında qida sahəsində ikitərəfli əlaqələrin inkişaf perspektivləri haqqında fikir mübadiləsi aparılıb.
Oxşar xəbərlər
Qanunsuz heyvan kəsiminin qarşısının alınması istiqamətində tədbirlər davam etdirilir
Azərbaycan Respublikasının Qida Təhlükəsizliyi Agentliyi ölkədə heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.
Yunanıstanın Makedoniya və Frakiya inzibati ərazi vahidində xırdabuynuzlu heyvanların çiçək xəstəliyi qeydə alınıb
Azərbaycan Respublikasının Qida Təhlükəsizliyi Agentliyi başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir.
Bölgələrdə heyvanların identifikasiyası ilə bağlı müşavirələr davam edir
Ölkə ərazisində mövcud olan iri və xırdabuynuzlu heyvanların və atların müvafiq təlimata uyğun olaraq identikləşdirilməsinin təmin edilməsi və bu məlumatların Avtomatlaşdırılmış Qida Təhlükəsizliyi İnformasiya Sisteminə (AQTİS) daxil edilməsi, heyvanların identifikasiyası və qeydiyyat sisteminin ölkə ərazisində mərhələli şəkildə həyata keçirilməsi üzrə Dövlət Proqramından irəli gələn digər məsələlərin qısa müddət ərzində həlli ilə bağlı növbəti müşavirə Zaqatala rayonunda keçirilib.
