Taxıl dəyirmanları və anbarlarda aparılan monitorinqlərin nəticələri açıqlanıb

4 Aprel 2023 17:46

Azərbaycan Respublikasının Qida Təhlükəsizliyi Agentliyi (AQTA) ölkə ərazisində qanunvericiliyin tələbləri çərçivəsində qida təhlükəsizliyinin təmin olunması və istehlakçı hüquqlarının müdafiəsi istiqamətində tədbirləri davam etdirir.

Tədbirlər çərçivəsində cari ilin fevral və mart aylarında ölkə ərazisində fəaliyyət göstərən dəyirmanlarda və elevatorlu anbarlarda saxlanılan yerli istehsal olan taxıl (buğda) məhsullarının fitosanitar və qida təhlükəsizliyi vəziyyətinin qiymətləndirilməsi məqsədilə monitorinqlər həyata keçirilib.

Monitorinqlər zamanı Agentlik əməkdaşları tərəfindən ümumilikdə 31 taxıl nümunəsi götürülüb və Azərbaycan Qida Təhlükəsizliyi İnstitutunun müvafiq sınaq laboratoriyalarına müayinələrin aparılması üçün təqdim edilib.

Sevindirici haldır ki, sınaq nəticələrinə əsasən, qida təhlükəsizliyi baxımından nümunələrdə uyğunsuzluq aşkar olunmayıb. Yalnız fitosanitar baxımından 4 nümunədə karantin tətbiq edilən zərərli orqanizmlər aşkarlanıb ki, bunların da taxıl məhsullarının istehlakı ilə bağlı təhlükəsizliyinə mənfi təsiri yoxdur.

Aparılan monitorinqlərin nəticələrinə əsasən, AQTA yerli taxıl istehsalçılarına qida təhlükəsizliyi tələblərinə əməl etdiklərinə görə minnətdarlığını bildirir.

Fitosanitar baxış keçirilən taxıl dəyirmanları və elevatorlu anbarlar barədə aşağıdakı cədvəl vasitəsilə məlumat ala bilərsiniz:

№	Müəssisənin adı	Fəaliyyət ünvanı	Laborator nəticələr
			Karantin tətbiq edilən zərərvericilər	Təhlükəsizlik göstəriciləri
			Karantin tətbiq edilən zərərvericilər	Mikotoksinlər (Aflatoksin, Oxratoksin, Zearalenon)	Ağır metallar (Qurğuşun, Kadmium)
1	"Qarabağ Un" MMC	Bakı şəhəri, Binəqədi rayonu, Binəqədi şosesi 59	aşkarlanmayıb	uyğundur	uyğundur
2	"Taxıl Agro" MMC	Bakı şəhəri, Binəqədi rayonu, Sulutəpə qəs., S.Allahverdiyev küçəsi 300	aşkarlanmayıb	uyğundur	uyğundur
3	"AvroMAK" MMC	Bakı şəhəri, Binəqədi rayonu, Z.Bünyadov prospekti 13	aşkarlanmayıb	uyğundur	uyğundur
4	"MKT İK" MMC	Cəlilabad rayonu, Qarazəncir kəndi	aşkarlanmayıb	uyğundur	uyğundur
5	f/ş Səfərov Hüseyn Qürbət oğlu	Cəlilabad rayonu, Gülməmmədli kəndi	aşkarlanmayıb	uyğundur	uyğundur
6	"Alılı" Fermer Kəndli Təsərrüfatı	Cəlilabad rayonu, Babalı kəndi	aşkarlanmayıb	uyğundur	uyğundur
7	f/ş Abdullayev Cavid Səhrab oğlu	Kürdəmir rayonu, Qarasaqqal kəndi	aşkarlanmayıb	uyğundur	uyğundur
8	"Kraun KO-R" MMC	İmişli rayonu, Bəhrəmtəpə qəsəbəsi	aşkarlanmayıb	uyğundur	uyğundur
9	"Az Aqro Taxıl" MMC	Ağcabədi rayonu, Hindarxı qəsəbəsi	Acroption repens(L) DC (Sürünən kəkrə) aşkar edilib	uyğundur	uyğundur
10	"Orxan" KFT	Ağdam rayonu, "Ergi" yaşayış məntəqəsi	aşkarlanmayıb	uyğundur	uyğundur
11	f/ş Haqverdiyeva Rima	Ağdam rayonu, Rzalar kəndi	Acroptilon repens (L) DC. (Sürünən kəkrə) aşkar edilib	uyğundur	uyğundur
12	f/ş Kazımov Tofiq	Bərdə rayonu, Şirvalı kəndi	Acroptilon repens (L) DC. (Sürünən kəkrə) aşkar edilib	uyğundur	uyğundur
13	f/ş Ziyadov İkram	Bərdə rayonu, Qazaxlar kəndi	aşkarlanmayıb	uyğundur	uyğundur
14	Qarabağ Çörək Zavodu	Bərdə rayonu, Bərdə şəhəri	aşkarlanmayıb	uyğundur	uyğundur
15	f/ş İbayev Tahir	Ağdam rayonu, Təzəkənd kəndi	Acroptilon repens (L) DC. (Sürünən kəkrə) aşkar edilib	uyğundur	uyğundur
16	"AGRO Dairy" MMC	Hacıqabul rayonu, Muğan kəndi	aşkarlanmayıb	uyğundur	uyğundur
17	f/ş Cəfərov Bəylər	Hacıqabul rayonu, Talış kəndi	aşkarlanmayıb	uyğundur	uyğundur
18	f/ş Əcəmov Etibar	Biləsuvar rayonu, Ağalıkənd kəndi	aşkarlanmayıb	uyğundur	uyğundur
19	"Ulu Aqro" MMC	Qax rayonu, Qaxbaş kəndi	aşkarlanmayıb	uyğundur	uyğundur
20	f/ş Süleymanov Emin	Şəki şəhəri	aşkarlanmayıb	uyğundur	uyğundur
21	f/ş Ağacanov Ramin	Qazax şəhəri, N.Nərimanov qəsəbəsi, ev 43	aşkarlanmayıb	uyğundur	uyğundur
22	f/ş Həmzəyev Nail	Ağstafa rayonu, Ş.İ.Xətai kəndi, ev 9	aşkarlanmayıb	uyğundur	uyğundur
23	f/ş Nəsibov Adil	Ağstafa rayonu, Aşağı Kəsəmən kəndi	aşkarlanmayıb	uyğundur	uyğundur
24	"Nural" MMC	Tovuz rayonu, Abulbəyli kəndi	aşkarlanmayıb	uyğundur	uyğundur
25	"Qazax rayonu Birinci Şıxlı Kəndli Fermer Təsərrüfatı" MMC	Qazax rayonu, İ.Şıxlı kəndi	aşkarlanmayıb	uyğundur	uyğundur
26	"Xanlıqlar Group" MMC	Qazax rayonu, Xanlıqlar kəndi	aşkarlanmayıb	uyğundur	uyğundur
27	"Ağsu Aqro Park" QSC	Ağsu rayonu, Çiyni kəndi	aşkarlanmayıb	uyğundur	uyğundur
28	"GP Stock Feed" MMC	İsmayıllı rayonu, Xəlilli kəndi	aşkarlanmayıb	uyğundur	uyğundur
29	"Süsən Aqro" MMC	Ağsu rayonu, Gəgəli kəndi	aşkarlanmayıb	uyğundur	uyğundur
30	"Agro Dairy" MMC (Gəncə)	Samux rayonu, Qırmızı Samux kəndi	aşkarlanmayıb	uyğundur	uyğundur
31	"Region Agro" MMC	Goranboy rayonu, Faxralı kəndi	aşkarlanmayıb	uyğundur	uyğundur

Oxşar xəbərlər

16 Sentyabr 2026 15:36

Xankəndi və Xocalıda zərərvericilərə qarşı maarifləndirmə tədbirləri keçirilib

Azərbaycan Respublikası Qida Təhlükəsizliyi Agentliyinin əməkdaşları tərəfindən Xankəndi şəhərində, eləcə də Xocalı rayonunun Şuşakənd, Malıbəyli və Quşçular kəndlərində fitosanitar nəzarət və maarifləndirmə tədbirləri keçirilib. Tədbirlərin əsas məqsədi qəhvəyi mərmər bağacığı və Amerika ağ kəpənəyinin ölkə ərazisində yayılmasının qarşısının alınması, bu zərərvericilərin vaxtında aşkar edilməsi və sakinlərin bu sahədə məlumatlılıq səviyyəsinin artırılmasıdır. Yerli sakinlərə karantin tətbiq edilən zərərvericilərin bioloji xüsusiyyətləri, yayılma yolları, xarakterik əlamətləri, habelə kənd təsərrüfatı bitkilərinə və yaşıllıqlara vura biləcəyi zərərlər barədə ətraflı məlumat verilib. Zərərvericilərin yayılmasının qarşısını almaq üçün xüsusilə payız-qış mövsümündə həyata keçirilməsi tövsiyə olunan mexaniki və profilaktik mübarizə tədbirləri izah olunub. Tədbirlər çərçivəsində zərərvericilərin vaxtında müəyyən edilməsi, onların mümkün yayılma ocaqlarının aşkarlanması və müvafiq mübarizə tədbirlərinin görülməsinin əhəmiyyəti diqqətə çatdırılıb, sakinlərə maarifləndirici çap materialları paylanıb.

15 Sentyabr 2026 15:26

Amerika ağ kəpənəyi və Qəhvəyi mərmər bağacığı ilə bağlı maarifləndirmə tədbirləri davam etdirilir

Amerika ağ kəpənəyi və Qəhvəyi mərmər bağacığının ölkə ərazisində yayılmasının qarşısının alınması və zərərvericilərlə mübarizə məqsədilə Azərbaycan Respublikasının Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericilərə qarşı bitki mühafizəsi tədbirləri çərçivəsində Şəki-Zaqatala regional bölməsinin əməkdaşları tərəfindən Oğuz rayonunun Bucaq, Bayan, Qəbələ rayonunun isə Mirzəbəyli kəndlərində sakinlərlə maarifləndirici görüşlər keçirilib. Görüşlər zamanı zərərvericilərin bioloji xüsusiyyətləri, yayılma səbəbləri, bitkilərə vurduğu zərər, xüsusilə Amerika ağ kəpənəyinin tırtıl mərhələsində yaratdığı təhlükə və ona qarşı mübarizə tədbirləri barədə vətəndaşlara məlumat verilib. Eyni zamanda, zərərvericilərin vaxtında aşkarlanmasının və onların yayılmasının qarşısının alınması məqsədilə mütəmadi müşahidə və monitorinqlərin aparılmasının vacibliyi diqqətə çatdırılıb. Tədbirlər çərçivəsində kənd sakinlərinə zərərvericilərlə bağlı maarifləndirici bukletlər təqdim olunub, onların sualları cavablandırılıb və müvafiq fitosanitar tələblərə əməl olunması ilə bağlı tövsiyələr verilib.

14 Sentyabr 2026 10:43

Qəhvəyi mərmər bağacığı ilə bağlı maarifləndirmə tədbirləri davam etdirilir

Qəhvəyi mərmər bağacığının ölkə ərazisində yayılmasının qarşısının alınması məqsədilə Qida Təhlükəsizliyi Agentliyi tərəfindən fitosanitar nəzarət və maarifləndirmə tədbirləri davam etdirilir. Zərərvericiyə qarşı bitki mühafizəsi tədbirləri çərçivəsində Quba-Xaçmaz regional bölməsinin əməkdaşları tərəfindən Xaçmaz rayonunun Arzu kəndində kənd sakinləri ilə maarifləndirici görüşlər keçirilib. Görüşlər zamanı qəhvəyi mərmər bağacığının payız aylarında açıq sahələri tərk edərək qışlama məqsədilə evlərə, anbarlara və digər qapalı tikililərə toplanması barədə sakinlərə məlumat verilib. Eyni zamanda, zərərvericinin sayının azaldılmasında effektiv üsullardan biri olan mexaniki mübarizə tədbirləri və onların tətbiqi qaydaları izah edilib, kənd sakinlərinə qəhvəyi mərmər bağacığı haqqında məlumat kitabçaları paylanıb.