Giriş
Türkiyə Standartlar İnstitutunun eksperti AQTİ-də təlim keçir
1 Oktyabr 2019 21:50
Azərbaycan Qida Təhlükəsizliyi İnstitutunda ISO 17025 2017 “Sınaq və kalibrləmə laboratoriyalarının səmərəli təşkilinə dair beynəlxalq standartlar” mövzusunda təlim keçirilir. Türkiyə Standartlar İnstitutunun eksperti Murat Kavrukun keçirdiyi təlimdə iştirakçılara sınaq və kalibrləmə laboratoriyalarında müasir xidmətin təşkili, dünyada bu sahə üzrə tətbiq olunan son texnologiyalarla bağlı məlumat verilib. Təlimdə sınaq və kalibrləmə laboratoriyalarında işlərin keyfiyyətinin yaxşılaşdırılması metodları, bu sahədə beynəlxalq təcrübə ilə bağlı aktual məlumatlar diqqətə çatdırılıb. Eyni zamanda yeni qida təhlükəsizliyi mexanizminin formalaşdırılmasında ayrı-ayrı ölkələrin müvafiq qurumları ilə təcrübə mübadiləsinin aparılamsının əhəmiyyəti vurğulanıb.
Qeyd edək ki, təlim bu ilin mayında Azərbaycan Qida Təhlükəsizliyi İnstitutu ilə Türkiyə Standartlar İnstitutu arasında imzalanmış əməkdaşlıq memorandumu əsasında keçirilir.
Qeyd edək ki, təlim oktyabrın 4-dək davam edəcək.
Oxşar xəbərlər
Qanunsuz heyvan kəsimi ciddi risklər yarada bilər - VİDEO
Baytarlıq müayinəsindən keçməmiş, xəstə və ya xəstəlik şübhəsi olan heyvanların kəsilərək ətinin istehlaka təqdim edilməsi insan sağlamlığı üçün ciddi risklər yaradır. Belə heyvanlardan insanlara bruselyoz, qarayara, vərəm və digər zoonoz xəstəliklər keçə bilər.
AQTA heyvan kəsimi məntəqələrində sağlamlaşdırma işləri aparır
Azərbaycan Respublikasının Qida Təhlükəsizliyi Agentliyi (AQTA) tərəfindən heyvan kəsimi məntəqələrində aparılan son monitorinqlər zamanı müəyyən edilmiş sanitar-gigiyenik və sanitar-texniki nöqsanların aradan qaldırılması ilə bağlı sahibkarlara müvafiq göstərişlər verilib. Qısa müddət ərzində məntəqələrdə zəruri sağlamlaşdırma işləri aparılıb, aşkar edilmiş nöqsanlar aradan qaldırılıb və obyektlərin normativ tələblərə uyğunlaşdırılması təmin edilib. Sağlamlaşdırma işləri aparılan məntəqələr aşağıdakılardır: • Bakı şəhəri, Xətai rayonu, Nobel prospekti 56; • Bakı şəhəri, Nizami rayonu, Çobanzadə küçəsi 63, 2403-cü məhəllə; • Bakı şəhəri, Xəzər rayonu, Qala qəsəbəsi, Xaşa-Xuna bağ ərazisi.
Ölkə üzrə heyvanların identikləşdirilməsi genişləndiriləcək – Dövlət Proqramı
Prezidentin Sərəncamı ilə təsdiq edilən “Azərbaycan Respublikasında qida təhlükəsizliyinin təmin edilməsinə dair 2027–2032-ci illər üçün Dövlət Proqramı”nda heyvanların identikləşdirilməsi və məlumatların Avtomatlaşdırılmış Qida Təhlükəsizliyi İnformasiya Sisteminə (AQTİS) daxil edilməsi nəzərdə tutulur. Prosesin icrası ilə heyvan sağlamlığına nəzarət gücləndiriləcək və heyvan mənşəli məhsulların izlənilməsi təmin olunacaq. Bu çərçivədə heyvan sahibləri və fermerlər identikləşdirilmə prosesinin vacibliyi və tələbləri barədə məlumatlandırılacaq, müvafiq təlimlər keçiriləcək. Dövlət Proqramında heyvanların identifikasiyası və qeydiyyatı ilə bağlı rəqəmsal imkanların inkişafına da xüsusi diqqət yetirilir. Sənəddə Heyvanların İdentifikasiyası və Qeydiyyatı Sisteminin (HİQS) əhatə dairəsinin genişləndirilməsi və funksionallığının artırılmasının heyvan sağlamlığı və biotəhlükəsizliyin təmin olunması baxımından əhəmiyyəti vurğulanır. Sistem heyvanların düzgün qeydiyyatını, sağlamlıq vəziyyətinin izlənilməsini və müvafiq tədbirlərin vaxtında həyata keçirilməsini dəstəkləyir.
