Ukraynaya ixrac olunan xurma məhsullarının qablaşdırılmasında nöqsanlar aşkarlanıb

4 Fevral 2021 14:25

Azərbaycan Respublikasının Qida Təhlükəsizliyi Agentliyi (AQTA) ölkə ərazisində qida təhlükəsizliyinin təmin edilməsi istiqamətində tədbirləri davam etdirir. Həyata keçirilən tədbirlər çərçivəsində Bərdə rayonunda fəaliyyət göstərən fiziki şəxs Cəfərov İlqar Südgül oğlu və fiziki şəxs Əliyev Məzahir Huduş oğlu tərəfindən ölkəmizdən Ukrayna Respublikasına ixrac olunan xurma məhsullarına baxış keçirilib. Baxış zamanı məhsulların qablaşdırıldığı taxta yeşiklərin “Beynəlxalq ticarətdə ağac qablaşdırma materiallarının tənzimlənməsi qaydaları”na uyğun hazırlanmadığı və markalanmadığı aşkar olunub. Belə ki, xurma məhsulunun ixracı zamanı istifadə edilən qablaşdırma yeşiklərinin hazırlanmasında istifadə edilən ağac materialının qalınlığının müxtəlif hissələrdə 7-14 mm arası olduğu müəyyən edilib. “Beynəlxalq ticarətdə ağac qablaşdırma materiallarının tənzimlənməsi qaydaları”na uyğun olaraq yükdaşımada istifadə edilən və qalınlığı 6 mm-dən çox olan bütün ağac materialları (qablaşdırma qutuları, baraban, bərkidici ağac və s.) ümumi qəbul olunmuş üsullarla işlənməli və markalanmalıdır. Qanunvericiliyə əsasən bu tələblərə cavab verməyən məhsullar ixrac üçün sertifikatlaşdırılmayacaqdır.

AQTA bununla bağlı olaraq, qida sahəsində idxal-ixrac əməliyyatları zamanı sahibkarları diqqətli olmağa, qanunvericiliyin tələblərinə əməl etməyə, idxalçı ölkənin tələbləri və beynəlxalq standartları nəzərə almağa çağırır.

Agentlik bəyan edir ki, bu sahədə normativ texniki aktların tələblərinə cavab verməyən, qablaşdırılmada istifadə edilən taxta paletlərində etiketlənmə və markalanma qaydalarına dair beynəlxalq tələblərə uyğun olmayan qida məhsullarının qida təhlükəsizliyi seritifikatı ilə təmin edilməsinə və satışına yol verilməyəcəkdir.

Oxşar xəbərlər

18 Sentyabr 2026 17:27

Nəzarət tədbirləri - İcmal

AQTA tərəfindən keçirilən plandankənar yoxlamalar zamanı Bakı şəhərində, Bərdə və Masallı rayonlarında fəaliyyət göstərən qida obyektlərində sanitariya-gigiyena tələblərinin pozulması və digər nöqsanlar müəyyən edilib. Aşkarlanmış pozuntularla bağlı obyektlərin fəaliyyətinin məhdudlaşdırılması istiqamətində tədbirlər görülüb.

17 Sentyabr 2026 15:55

İdxal olunan bitki tərkibli spred yağı istehsalçı ölkəyə geri qaytarılıb

Azərbaycan Respublikasının Qida Təhlükəsizliyi Agentliyi (AQTA) tərəfindən həyata keçirilən nəzarət tədbirləri çərçivəsində "Vita Milk" MMC-nin idxal etdiyi bitki tərkibli spred yağı məhsulundan nümunələr götürülərək müayinələrə cəlb edilib.