Giriş
Ümumdünya Heyvan Sağlamlığı Təşkilatı (OIE) 15-21 yanvar 2021-ci il tarixlərində 24 ölkədə xəstəlik ocağının mövcudluğu barədə məlumat açıqlayıb
22 Yanvar 2021 17:47
Azərbaycan Respublikasının Qida Təhlükəsizliyi Agentliyi (AQTA) tərəfindən başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından (OIE) daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirilir.
15-21 yanvar 2021-ci il tarixlərində Ümumdünya Heyvan Sağlamlığı Təşkilatı (OIE) ümumdünya heyvan sağlamlığı informasiya sistemi vasitəsilə 8 heyvan xəstəliyi üzrə 24 ölkədə xəstəlik ocağının mövcudluğu barədə məlumat açıqlayıb.
|
№ |
Ölkə |
Qeydə alınan xəstəliyin adı və xəstəlik ocağının sayı |
|
1 |
Fransa |
Yüksək patogen quş qripi-75, aşağı patogen quş qripi-2. |
|
2 |
Rusiya |
Donuzların Afrika taunu-4, yüksək patogen quş qripi-1, xırdabuynuzlu heyvanların çiçək xəstəliyi-1. |
|
3 |
Koreya |
Yüksək patogen quş qripi-34, donuzların Afrika taunu-38. |
|
4 |
Almaniya |
Yüksək patogen quş qripi-26, donuzların Afrika taunu-10. |
|
5 |
Latviya |
Donuzların Afrika taunu-12. |
|
6 |
Rumıniya |
Donuzların Afrika taunu-45. |
|
7 |
Polşa |
Yüksək patogen quş qripi-4. |
|
8 |
Macarıstan |
Donuzların Afrika taunu-154. |
|
9 |
Cənubi Afrika |
Dabaq-2, donuzların Afrika taunu-3. |
|
10 |
Hindistan |
Yüksək patogen quş qripi-4. |
|
11 |
Şimali irlandiya |
Yüksək patogen quş qripi-1. |
|
12 |
İngiltərə |
Yüksək patogen quş qripi-3. |
|
13 |
İrlandiya |
Yüksək patogen quş qripi-2. |
|
14 |
İsveç |
Yüksək patogen quş qripi-4. |
|
15 |
Meksika |
Dovşanların hemorragik xəstəliyi-6, heyvanlarda (İtlərdə) COVID-19 virusu-1. |
|
16 |
Namibiya |
Dabaq-1. |
|
17 |
İraq |
Yüksək patogen quş qripi-1. |
|
18 |
Ukrayna |
Yüksək patogen quş qripi-2. |
|
19 |
Şri-Lanka |
Nodulyardermatit-6. |
|
20 |
Slovakiya |
Yüksək patogen quş qripi-1. |
|
21 |
İsrail |
Epizootik homorraji virus xəstəliyi-16. |
|
22 |
Vetnam |
Yüksək patogen quş qripi-6. |
|
23 |
Belçika |
Yüksək patogen quş qripi-1. |
|
24 |
Keniya |
Rift vadisi isitməsi (xırdabuynuzlu heyvanlarda)-2. |
Oxşar xəbərlər
Dünyadakı epizootik vəziyyətə uyğun olaraq müvafiq tədbirlər görülür - VİDEOMƏLUMAT
Ümumdünya Heyvan Sağlamlığı Təşkilatının (ÜHST) rəsmi məlumatlarına əsasən, Albaniya Respublikasının Elbasan bölgəsində xırdabuynuzlu heyvanların taunu, Yaponiyanın Kyuşu regionunda nodulyar dermatit, Kamboca Krallığının Kampot əyalətində isə yüksək patogen quş qripi xəstəliyi qeydə alınıb. Respublika ərazisinin bu yoluxucu xəstəliklərdən qorunması üçün qeyd olunan ərazilərdə zonalaşma prinsipi nəzərə alınmaqla, diri ev və vəhşi xırdabuynuzlu heyvanların və onlara aid məhsulların, diri iribuynuzlu heyvanların və onlara aid genetik materialların, diri quş və quşçuluq məhsullarının idxalı ilə bağlı ÜHST-nin “Quruda yaşayan heyvanların sağlamlıq Məcəlləsi”nə uyğun olaraq Qida Təhlükəsizliyi Agentliyi tərəfindən müvəqqəti məhdudiyyət tətbiq olunub. Eyni zamanda müvafiq tədbirlərin görülməsi üçün Dövlət Gömrük Komitəsinə müraciət edilib.
Heyvanların qeydiyyata alınması nə üçün vacibdir?
Bu video sizə heyvanların qeydiyyatının arxasında duran əsas səbəbləri, onun həm heyvan sahibləri, həm də cəmiyyət üçün faydalarını izah edir. Sağlamlıq və təhlükəsizlik Zoonoz xəstəliklərin qarşısının alınması Qanuni məsuliyyət və nəzarət Qeydiyyat – yalnız prosedur deyil, məsuliyyətli və düşüncəli münasibətin göstəricisidir. Daha ətraflı məlumat üçün videonu izləyin
Seroloji monitorinq keçiriləcək
Peyvənd olunduqdan sonra immun fonun təyin olunması və xüsusi təhlükəli xəstəliklərə görə epizootoloji şəraitin öyrənilməsi məqsədilə cari ilin 14-31 iyul tarixlərində iribuynuzlu və xırdabuynuzlu heyvanlar arasında seroloji monitorinq keçiriləcək. Monitorinq çərçivəsində xüsusi təhlükəli xəstəliklərə həssas heyvanlar arasında klinik müşahidələr aparılacaq və respublikanın (Naxçıvan Muxtar Respublikası daxil) 64 rayona (şəhərə) aid 483 yaşayış məntəqəsində fərdi və fermer təsərrüfatlarında saxlanılan iribuynuzlu və xırdabuynuzlu heyvanlardan diaqnostik nümunələr götürüləcək. Habelə təsərrüfatlara ümumi baxış keçirməklə, baytarlıq norma və qaydalarına əməl olunması üçün məqsədyönlü maarifləndirmə-təbliğat tədbirləri görüləcək və epizootoloji məlumatlar toplanaraq təhlil ediləcək. Tədbir müddətində epizootoloji vəziyyət və götürülmüş nümunələr barədə məlumatlar “Epicollect 5” proqramına daxil olunacaq. Monitorinqdə Qida Təhlükəsizliyi Agentliyinin və Kənd Təsərrüfatı Nazirliyi yanında Aqrar Xidmətlər Agentliyinin rayon (şəhər) Heyvan Sağlamlığı və Baytarlıq Xidmətləri İdarələrinin, Naxçıvan Muxtar Respublikasının aidiyyəti qurumlarının mütəxəssisləri iştirak edəcəklər. Müvafiq müayinələrin aparılması məqsədilə götürülmüş nümunələr Qida Təhlükəsizliyi İnstitutunun Mərkəzi Baytarlıq Laboratoriyasına və regional sınaq laboratoriyalarına təqdim olunacaqdır.
